কাৰবি আংলঙ (Karbi Anglong) জিলাৰ পিজিআৰ-ভিজিআৰ ভূমি (PGR-VGR land)ৰ অবৈধ বেদখলকৃত (Illegal encroachment) ভূমিত শীঘ্ৰে উচ্ছেদৰ দাবী (Demand for eviction)ত পুণৰ ডিফুত পুণৰ উত্তাল প্ৰতিবাদ (Protest) সাব্যস্ত কৰে দল সংগঠনে৷ শনিবাৰে ডিফুত কেএছএ, কেএছৱাইচি আৰু সহযোগী দল-সংগঠনে আজি ডিফু ডাকঘৰৰ সন্মুখত কাৰবি আংলং স্বায়ত্তশাসিত পৰিষদ আৰু মুখ্য কাৰ্যবাহী সদস্য তুলিৰাম ৰংহাঙৰ বিৰুদ্ধে বিভিন্ন শ্ল’গান আওৰাই প্ৰতিবাদ কৰি ডিফুৰ আকাশ-বতাহ কঁপাই তোলে৷
প্ৰতিবাদকাৰী অভিযোগ কৰি কয় যে কাৰবি আংলঙৰ পিজিআৰ আৰু ভিজিআৰ ভূমিখণ্ডত অবৈধ ভূমিখণ্ডত যোৱা চল্লিছ বছৰে অবৈধভাবে বসবাস কৰি অহা প্ৰায় ১০ হাজাৰ অবৈধ বেদখলকাৰীক উচ্ছেদ কৰাৰ বাবে মুখ্য কাৰ্যবাহী সদস্য তুলিৰাম ৰংহাঙে দিয়া প্ৰতিশ্ৰুতি এবছৰকাল উকলি যোৱাৰ পিছতো আজিলৈকে উক্ত ভূমিত উচ্ছেদ নহ’ল৷ ফলত পৰিষদে কাৰবি আংলঙৰ ৰাইজক চৰকাৰে চৰম বিশ্বাস ঘাতকতা কৰিলে ৷ স্বায়ত্তশাসিত পৰিষদৰ হাতত সম্পূৰ্ণ কৰ্তৃত্ব থকাৰ পিছতো কিয় উচ্ছেদ কৰিব নোৱাৰিলে প্ৰশ্ন কৰে প্ৰতিবাদকাৰীসকলে৷
আনহাতে পিজিআৰ-ভিজিআৰ ভূমিত অবৈধ বেদখল উচ্ছেদৰ দাবীত প্ৰতিবাদকাৰীসকলে বাৰম্বাৰ জনাই অহা দাবীক নস্যাত কৰাত ক্ষুব্ধ হৈ পৰিছে প্ৰতিবাদকাৰী সকল ৷ এইলৈ প্ৰতিবাদকাৰী সকলে আজি প্ৰতিবাদস্থলীতে কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙৰ প্ৰাতৃকৃতিত ধুপ-ধূণা আৰু ঘণ্টা বজাই পূজা অৰ্চনা কৰি পিজিআৰ-ভিজিআৰত অবৈধ বেদখল শীঘ্ৰে উচ্ছেদৰ প্ৰাৰ্থনা কৰি অভিনৱ প্ৰতিবাদ সাব্যস্ত কৰে৷
