ছত্তীশগড়ত মাওবাদী (Chhattisgarh naxalites) দমন অভিযানত যৌথ বাহিনীয়ে পুনৰ যথেষ্ট সফলতা লাভ কৰে। বৃহস্পতিবাৰে পুৱা বিজাপুৰ আৰু কাংকেৰ জিলাত সংঘটিত দুটা পৃথক সংঘৰ্ষত কমেও ২২জন মাওবাদী নিহত (22 Maoists killed) হয়। ছত্তীশগড় আৰক্ষীৰ মতে, মাওবাদীৰ প্ৰত্যাক্ৰমণত নিৰাপত্তা বাহিনীৰ এজন সদস্যও নিহত হয়। ইয়াৰ উপৰি আন দুজন গুৰুতৰভাৱে আহত হয়।
ছত্তীশগড় আৰক্ষীৰ তথ্য অনুসৰি, বৃহস্পতিবাৰে পুৱা প্ৰায় ৭ বজাত দন্তেৱাড়া জিলাৰ সীমান্তৰ সমীপৰ বিজাপুৰৰ গংগালুৰ এলাৰা অঞ্চলত যৌথ বাহিনীৰ সৈতে সংঘৰ্ষত ১৮ মাওবাদী নিহত হয়। আনহাতে, কাংকেৰেত পৃথক পৃথক সংঘৰ্ষত চাৰিটা মাওবাদী নিহত হয়। দুয়ো স্থানৰ পৰা বহু অস্ত্ৰ-শস্ত্ৰ আৰু বিস্ফোৰক উদ্ধাৰ কৰা হৈছে।
বস্তাৰ সংমণ্ডলৰ অন্তৰ্গত বিজাপুৰ আৰু কাংকেৰ জিলাৰ আবুঝমাৰৰ বনাঞ্চলত বিগত কেইমাহমানৰ পৰা নিষিদ্ধ সংগঠন চিপিআই (মাওবাদী)ৰ সশস্ত্ৰ শাখা পিএলজিএ (পিপ’লছ লিবাৰেচন গেৰিলা আৰ্মি) আৰু পিএলজিএ (পিপ’লছ লিবাৰেচন গেৰিলা আৰ্মি)ৰ মাজত কেইবাটাও সংঘৰ্ষ সংঘটিত হৈছে। যোৱা ৯ ফেব্ৰুৱাৰীত বিজাপুৰত চি আৰ পি এফ আৰু জিলা ৰিজাৰ্ভ গাৰ্ড বাহিনীৰ সৈতে হোৱা সংঘৰ্ষত ৩১জন মাওবাদী গেৰিলা নিহত হৈছিল।
১৯ জানুৱাৰীৰ পৰা ছত্তীশগড়, মহাৰাষ্ট্ৰ আৰু ওড়িশাত যুটীয়া বাহিনীয়ে আন্তঃৰাজ্যিক অভিযান চলাই আহিছে। উক্ত তিনিখন ৰাজ্যত ইতিমধ্যে দুশৰো অধিক মাওবাদীৰ মৃত্যু হৈছে। নিহতসকলৰ ভিতৰত মাওবাদীৰ কেন্দ্ৰীয় সমিতিৰ সদস্য জয়ৰাম ওৰফে চলপতিও আছে। আনহাতে, আত্মসমৰ্পণ কৰে নিহত মাওবাদী নেতা মল্লোজুলা কোটেশ্বৰ ৰাও ওৰফে কিচেঞ্জীৰ ভাইবোৱাৰী বিমলাই। তেওঁৰ স্বামী মল্লোজুলা ভেনুগোপাল ৰাও ওৰফে ভূপতি ওৰফে বিবেক ওৰফে সোণু নিষিদ্ধ সংগঠন চিপিআই (মাওবাদী)ৰ কেন্দ্ৰীয় সমিতিৰ সদস্য।
