ঋণ পৰিশোধ কৰিব নোৱৰাৰ অপৰাধত (for the offence of repaying the loan) এগৰাকী মহিলাক ঘৰৰ পৰা টানি আনি ৰাজহুৱাভাৱে মুণ্ডন (Woman shaved in publicly) কৰা হয়। ত্ৰিপুৰাৰ চিপাহ জিলা (Sipah District of Tripura)ত সংঘটিত হয় এই ঘটনা। এদল মহিলাৰ বিৰুদ্ধে এই ভয়ংকৰ শাস্তি প্ৰদানৰ অভিযোগ উত্থাপিত হৈছে।
আৰক্ষীয়ে জনোৱা অনুসৰি, ঘটনাটো বিশালগড়ৰ লালসিংমুৰাত সংঘটিত হয়। অৱশ্যে আৰক্ষীয়ে ঘটনাস্থলীত উপস্থিত হৈ মহিলাগৰাকীক উদ্ধাৰ কৰে। বিশালগড় মহিলা আৰক্ষী থানাৰ ভাৰপ্ৰাপ্ত বিষয়া শ্বেউলী দাসে ঘটনাটোৰ তদন্ত কৰি আছে। তেওঁ কয় যে মহিলাগৰাকীক এটা আত্মসহায়ক গোটৰ সদস্যই আক্ৰমণ কৰে। আক্ৰমণকাৰীসকলক চিনাক্ত কৰাৰ কাম আৰম্ভ হৈছে। তেওঁলোকৰ বিৰুদ্ধে ব্যৱস্থা গ্ৰহণ কৰা হ’ব।
গোটটো স্থানীয়ভাৱে এদল মহিলাই পৰিচালনা কৰিছিল। প্ৰাথমিক অনুসন্ধানত প্ৰকাশ পাইছে যে ভুক্তভোগীয়ে গোটটোৰ পৰা ঋণ লৈছিল। তাৰ পৰাই আৰম্ভ হয় সমস্যা। মহিলাগৰাকীয়ে অভিযোগ কৰে যে ১৫-২০ গৰাকী মহিলা হঠাতে তেওঁৰ ঘৰত প্ৰৱেশ কৰে। সেই সময়ত তেওঁ ৰন্ধা কামত ব্যস্ত আছিল। প্ৰথমতে সাধাৰণ কথা-বতৰা হয়। মহিলাগৰাকীয়ে ঋণ কেতিয়া ঘূৰাই দিব সেয়াও সোধা হয়। তাৰ পিছতে মহিলাগৰাকীৰ ওপৰত জঁপিয়াই পৰে মহিলাৰ দলটো। মহিলাসকলে তেওঁক আক্ৰমণ কৰি ঘৰৰ পৰা টানি ৰাস্তালৈ উলিয়াই আনে। তাৰ পিছত চলে মাৰধৰ। কেৱল সিমানেই নহয়, ৰাজহুৱা স্থানত মহিলাগৰাকীৰ মূৰৰ আধা চুলি খুৰাই দিয়া হয়। লগতে সতৰ্ক কৰি দিয়ে যে যদি তেওঁ সোনকালে টকা পৰিশোধ নকৰে, তেন্তে ইয়াৰ পৰিণাম আৰু বেয়া হ’ব। আৰক্ষীয়ে ইতিমধ্যে ২০-২১ জন অচিনাক্ত লোকৰ বিৰুদ্ধে এক স্বতঃপ্ৰণোদিত গোচৰ ৰুজু কৰিছে।
