উত্তৰ প্ৰদেশত যৌন কামনাৰ বলি (Victims of sexual desire in Uttar Pradesh) হৈছে এটি পাঁচ বছৰীয়া শিশু (A five-year-old child)। ঘৰৰ পৰা উঠাই নি দলবদ্ধ ধৰ্ষণ কৰে দুজন লোকে। আনহাতে, আন দুজন লোকে কাষত থিয় হৈ ধৰ্ষণৰ ভিডিঅ’ ৰেকৰ্ডিং (Video recording of rape) কৰে। ছ’চিয়েল মিডিয়াতো বিয়পি পৰে এই ভিডিঅ’। এই ভয়ংকৰ ঘটনাৰ প্ৰায় দুসপ্তাহ পাৰ হৈ গ’ল যদিও এতিয়ালৈকে কোনো লোকক গ্ৰেপ্তাৰ কৰা হোৱা নাই।
সংবাদ মাধ্যমৰ সূত্ৰ অনুসৰি, এই ভয়াৱহ ঘটনা সংঘটিত হৈছে উত্তৰ প্ৰদেশৰ হাপুৰ জিলাত। ১৯ ছেপ্টেম্বৰত এগৰাকী পাঁচ বছৰীয়া নাবালিকাক দলবদ্ধ ধৰ্ষণ কৰা হয়। আনহাতে, ২৬ ছেপ্টেম্বৰত তেওঁৰ পৰিয়ালে এই বিষয়ে জানিব পাৰে। সেই সময়ছোৱাত শিশুটিৰ শাৰীৰিক অৱস্থাৰ অৱনতি ঘটে। সমগ্ৰ শৰীৰত আঘাতৰ চিন দেখা পাই সন্দেহ উপজে পৰিয়ালটোৰ। ইয়াৰ পিছত তেওঁ দলবদ্ধ ধৰ্ষণৰ ঘটনাটোৰ কথা জানিবলৈ দিয়ে।
শিশুটিৰ পৰিয়ালে আৰক্ষীক জনোৱা মতে, দুই যুৱকে ঘৰৰ পৰা লৈ গৈ ওচৰৰ এটা কাৰখানাৰ সমীপত তেওঁক দলবদ্ধ ধৰ্ষণ কৰে। আন দুজন যুৱকে ফোনত ৰেকৰ্ডিং কৰে সমগ্ৰ ঘটনা। তাৰ পিছত ছ’চিয়েল মিডিয়াত বিয়পাই দিয়ে।
আৰক্ষীয়ে জনোৱা মতে, শিশুটিৰ পৰিয়ালৰ পৰা দলবদ্ধ ধৰ্ষণৰ অভিযোগ পোৱাৰ পিছতে পক্সোসহ ভাৰতীয় দণ্ডবিধিৰ একাধিক ধাৰাত অভিযুক্তৰ বিৰুদ্ধে গোচৰ ৰুজু কৰা হৈছে। ইতিমধ্যে অভিযুক্তৰ সন্ধানত এটা দল গঠন কৰা হৈছে।
