বৃহস্পতিবাৰে সন্ধিয়া ৭ মান বজাত সদৌ অসম ছাত্ৰ সন্থা (All Assam Students’ Union)ৰ ভাৰপ্ৰাপ্ত সাধাৰণ সম্পাদক (General Secretary in-charge) চর্জুন হাঞ্চে (Sarjun Hanse)ক আজি নিজ গৃহস্থান ডিফু (In Diphu)ত বিভিন্ন দল-সংগঠনে উষ্ম আদৰণি (warm welcome from the party) জনায়। আছুৰ ভাৰপ্ৰাপ্ত সাধাৰণ সম্পাদক ৰূপে নির্বাচিত হৈ ডিফুলৈ অহাৰ পথত কাৰ্বি আংলং জিলাৰ বিভিন্ন আঞ্চলিক ছাত্র সন্থাসমূহে ঠায়ে ঠায়ে ছাত্র নেতাগৰাকীক বিপুল আদৰণি জনায়।
সন্ধিয়া প্রায় ৭ বজাত ডিফুৰ ঐতিহ্যমণ্ডিত ডিফু ক্লাবত উপস্থিত হোৱা হাঞ্চেক ডিফু ক্লাবত কাৰ্বি আংলং জিলাৰ বিভিন্ন সামাজিক সংগঠন আৰু ছাত্র সংগঠনসমূহে বিপুল আদৰণি জনায়। কার্বি আংলং জিলা মহিলা সমিতি, কাৰ্বি আংলং জিলা সাহিত্য সভা, ডিফু সাহিত্য সভা, কার্বি সাংস্কৃতিক সমাজ, ডিফু লেখিকা সমাৰোহ, ডিফু ক্লাব, কার্বি আংলং জিলা প্রেছ ক্লাব, ডিফু মুছলিম যুৱ মঞ্চকে ধৰি বহু কেইটা দল-সংগঠনে শুভেচ্ছা আৰু আদৰণি জনায়।
দল-সংগঠনৰ আদৰণি গ্ৰহণ কৰি অসমৰ সকলো জিলা আৰু আঞ্চলিক, মহকুমা, শাখা ছাত্র সন্থাসমূহলৈ তেওঁক এই পদলৈ নিৰ্বাচিত কৰাৰ বাবে কৃতজ্ঞতা আৰু ধন্যবাদ জ্ঞাপন কৰে। হাঞ্চেয়ে বিশেষ কার্বি আংলং জিলাৰ বিভিন্ন দল-সংগঠন, জ্যেষ্ঠ, কনিষ্ঠ সকলৰ পৰা বিশেষ আশীর্বাদ আৰু দিহা-পৰামৰ্শ বিচাৰে। যাতে তেওঁৰ এই গুৰু দায়িত্ব নিষ্ঠা আৰু সততাৰে সম্পূৰ্ণ কৰিবলৈ সক্ষম হয়।
