শণিবাৰে পুৱা ৯ বজাৰ পৰা ডিফুত ডিফু জাতীয় কলা-সংস্কৃতিক জীয়াই ৰখাৰ স্বাৰ্থত সোণালী বৰ্ষ গৰকা ডিফুৰ (Diphu) কলা কেন্দ্ৰই ইয়াৰ গৌৰৱোজ্জল ৭০ সংখ্যক প্ৰতিষ্ঠা দিৱসটি দিনযোৰা বৰ্ণাঢ্য কাৰ্যসূচীৰে উদযাপন কৰে ৷
কাৰ্যসূচী অনুসৰি পুৱাৰ ভাগত কলা কেন্দ্ৰৰ সম্পাদক দিলীপ দাসে আঁত ধৰা ডিফু কলা কেন্দ্ৰৰ পতাকা উত্তোলন কৰে ডিফু কলা কেন্দ্ৰৰ সভাপতি মুকুল চন্দ্ৰ বৰুৱাই ৷
স্মৃতি তৰ্পণ কৰে ডিফু কলা কেন্দ্ৰৰ ভাৰপ্ৰাপ্ত অধ্যক্ষ কাজল দাস দেৱানে ৷ কলা কেন্দ্ৰ চৌহদত বৃক্ষপুলি ৰোপন কৰে ক্ৰমে, ডিফু কলা কেন্দ্ৰৰ সহকাৰী সম্পাদক অচ্যুত কুমাৰ বৰা, লগতে কাৰ্য নিৰ্বাহক সকল ক্ৰমে, ধনী কলিতা ,হৃদয়ানন্দ শৰ্মা, বিমল বুঢ়া গোঁহাই আৰু ফুডিং তেৰাঙে ৷
বিয়লিৰ ভাগত চিত্ৰাঙ্কন প্ৰতিযোগিতা, প্ৰয়াত ডঃ ভূপেন হাজৰিকা দেৱলৈ শ্ৰদ্ধাঞ্জলী, সন্ধিয়া ডিফু ক্লাৱত ভাগত মঞ্চ উদ্ধোধন আৰু সাংস্কৃতিক সন্ধিয়াৰে সামৰণি পৰিব ডিফু কলা কেন্দ্ৰৰ ৭০ সংখ্যক প্ৰতিষ্ঠা দিৱসৰ কাৰ্যসূচী ৷
