কাৰ্বি আংলং জিলাৰ সাংবাদিকতাৰ বাটকটীয়া জ্যেষ্ঠ সাংবাদিক-লেখক নগেন বৰাৰ ৮৭ সংখ্যক জন্ম দিন পালন।
ডিফু ক্লাবত দেওবাৰে সন্ধিয়া কেক কাটি পালন কৰা জন্ম দিনত শুভাকাংক্ষীসকলে তেখেতক কাৰ্বি পহ’, গামোচাৰে জন্ম দিনৰ ওলগ জনায়।
উক্ত অনুষ্ঠানতে বয়োজ্যেষ্ঠ সাংবাদিকগৰাকীৰ নৱতম গ্ৰন্থ “সাংবাদিক জীৱনৰ ৰূপৰেখা” উন্মোচন কৰা হয়।
আত্মজীৱনিমূলক গ্ৰন্থখন উন্মোচন কৰে অনুষ্ঠানটিৰ মুখ্য অতিথি বিদায়ী জিলা আয়ুক্ত আৰণ্যক শইকীয়াই।
গাম্ভীৰ্যপূৰ্ণ সেই অনুষ্ঠানতে নগাঁও জিলালৈ বদলি হোৱা জিলা আয়ুক্ত গৰাকীকো বিদায় সম্বৰ্ধনা জনোৱা হয়।
কাৰ্বি আংলং জিলা প্ৰেছ ক্লাবৰ লগতে ডিফুৰ বিভিন্ন সামাজিক অনুষ্ঠানৰ ফালৰ পৰা তেখেতক সম্বৰ্ধনা জনোৱা হয়।
অনুষ্ঠানৰ অন্তত জিলা আয়ুক্তগৰাকীয়ে জ্যেষ্ঠ সাংবাদিক গৰাকীৰ এই গ্ৰন্থখনে জিলাখনৰ ইতিহাসৰ বিশেষ স্মৃতি কঢ়িয়াই অনা বুলি মন্তব্য কৰে।
লগতে বিদায়ী ক্ষণত ডিফুৰ ৰাইজে আগবঢ়োৱা মৰমক তেওঁৰ স্মৃতিত সদায় জীয়াই থাকিব বুলিও মন্তব্য কৰে।
অনুষ্ঠানত পদ্মশ্ৰী ধনেশ্বৰ ইংতিকে ধৰি বহু কেইগৰাকী বিশিষ্ট ব্যক্তি উপস্থিত থাকে।
