আজি ঘোষিত ডিব্ৰুগড় বিশ্ববিদ্যালয় (Dibrugarh University)ৰ ২০২৪ বৰ্ষৰ স্নাতকোত্তৰ (Master’s Degree in 2024) চূড়ান্ত পৰীক্ষাত অসমীয়া বিভাগ (Assamese Division)ত প্ৰথম শ্ৰেণীৰ প্ৰথম স্থান লাভ (Getting the first rank in the first class) কৰি বোকাখাতলৈ গৌৰৱ কঢ়িয়াই আনিছে বোকাখাত জে ডি এচ জি মহাবিদ্যালয়ৰ ছাত্ৰ (Student of JDSG College in Bokakhat) ঋত্বিক পৰাশ (Ritwik Parash)ৰে। ডিব্ৰুগড় বিশ্ববিদ্যালয়ৰ অন্তৰ্গত বোকাখাত জে ডি এচ জি মহাবিদ্যালয়ৰ পৰা পৰীক্ষাত অৱতীৰ্ণ হৈছিল মহাবিদ্যালয়খনৰ ছাত্ৰ ঋত্বিক পৰাশৰে। ঋত্বিক পৰাশৰ বোকাখাতৰ সেউজীপাৰ নিবাসী অনন্ত মাধৱ ভাগৱতী আৰু জুৰি শৰ্মা ভাগৱতীৰ একমাত্ৰ সন্তান।
উল্লেখ্য যে ২০২২ বৰ্ষত জে ডি এচ জি মহাবিদ্যালয়ে ডিব্ৰুগড় বিশ্ববিদ্যালয়ৰ অন্তৰ্গত অসমীয়া বিভাগত নিয়মীয়া পাঠ্যক্ৰম আৰম্ভ কৰাৰ অনুমতি লাভ কৰিছিল আৰু দুবছৰীয়া স্নাতকোত্তৰ পাঠ্যক্ৰম (অসমীয়া)ৰ এই বৰ্ষত প্ৰথমবাৰৰ বাবে স্নাতকোত্তৰ চূড়ান্ত পৰীক্ষাত চাৰি গৰাকী পৰীক্ষাৰ্থী অৱতীৰ্ণ হৈছিল। ঋত্বিকে “এ+” লাভ কৰাৰ লগতে আন তিনি গৰাকী পৰীক্ষাৰ্থী ক্ৰমে শিল্পীকা গগৈয়ে ‘এ’, মৃন্ময়ী ৰাজখোৱা আৰু নীলম গগৈয়ে ‘বি+’ লাভ কৰিবলৈ সক্ষম হৈছে। উত্তীৰ্ণৰ হাৰ ১০০%। বোকাখাত জে ডি এচ জি মহাবিদ্যালয়ৰ অধ্যক্ষ ড° জয়ন্ত গগৈ, মহাবিদ্যালয়ৰ স্নাতকোত্তৰ পাঠ্যক্ৰমৰ সমন্বয়ক তথা অসমীয়া বিভাগৰ মূৰব্বী অধ্যাপক ড° অৰুণ বৰা, অধ্যাপক অধ্যাপিকা সকলে এই সফলতাৰ বাবে ঋত্বিকৰ লগতে বিভাগটোৰ আটাইকেইগৰাকী ছাত্ৰ ছাত্ৰীলৈ অভিনন্দন জ্ঞাপন কৰিছে।
নিয়মীয়া পাঠ্যক্ৰমৰ স্নাতকোত্তৰ পৰীক্ষাত ছাত্ৰ-ছাত্ৰীসকলৰ এনে সফলতাই মহাবিদ্যালয়খনিৰ লগতে অঞ্চলটিলৈয়ো আনন্দ আৰু গৌৰৱ কঢ়িয়াই আনিছে।
