অৱশেষত মুকলি আকাশৰ তললৈ ওলাই আহিল জুবিন গাৰ্গৰ হত্যা গোচৰৰ (Zubeen murder case) অন্যতম অভিযুক্ত অমৃতপ্ৰভা মহন্ত (Amritaprabha Mahant)। গুৱাহাটী উচ্চ ন্যায়ালয়ে চৰ্তসাপেক্ষ জামিন মঞ্জুৰ কৰাৰ পিছত অৱশেষত মঙলবাৰে পুৱা কাৰাগাৰৰ পৰা ওলাই আহে অমৃতপ্ৰভা। তেওঁ হাফলং উপ-কাৰাগাৰত কাৰাবন্দী হৈ আছিল। প্ৰয়োজনীয় আইনী আৰু প্ৰশাসনিক আনুষ্ঠানিকতাৰ পিছত তেওঁ মুক্তি লাভ কৰে।
উল্লেখ্য যে তেওঁক কাৰাগাৰৰ পৰা মুকলি কৰি দিয়াৰ আনুষ্ঠানিকতা পূৰণৰ বাবে সোমবাৰে বিয়লি অমৃতপ্ৰভাৰ পৰিয়ালৰ তিনিগৰাকী সদস্য হাফলঙত উপস্থিত হৈছিল। কিন্তু প্ৰয়োজনীয় আইনী প্ৰক্ৰিয়া সম্পূৰ্ণ নোহোৱা বাবে তেওঁক সোমবাৰে মুকলি কৰি দিয়া নাছিল। অৱশেষত বহু চৰ্চিত জুবিন গাৰ্গ হত্যা গোচৰৰ অন্যতম অভিযুক্ত অমৃতপ্ৰভা মহন্ত মঙলবাৰে পুৱা ৬.৩০ মান বজাত কাৰাগাৰৰ পৰা মুক্ত হয়।
