তাৰালাংছ’ত যুৱকৰ চীপ লৈ আত্ম হত্যা

ASSAM TIMES POST
ডিফুঃ আজি দিন দুপৰীতে ডিফুৰ তাৰালাংচ’ত এজন যুৱকৰ চীপলৈ আত্ম হত্যা কৰা ঘটনাত চাঞ্চল্যৰ সৃষ্টি হৈছে৷ প্ৰাপ্ত তথ্য অনুসৰি শণিবাৰে পুৱা ১১ মান বজাত ডিফু থানা এলেকাধীনৰ তাৰালাংচ’ৰ মিলাংচ’ৰ এখন পথাৰৰ ওচৰত থকা তেঁতেলি গছৰ ডালত ৰছীৰে চীপলৈ উলমি থকা গাঁৱৰ ৰাইজে প্ৰত্যক্ষ কৰি আৰক্ষীক খবৰ দিয়ে ৷

লগে লগে ডিফু আৰক্ষীয়ে ঘটনাস্থলীত উপস্থিত হৈ দণ্ডাধীশৰ উপস্থিতিত যুৱকজনৰ মৃতদেহ চীপৰ নমাই আনি মৰণোত্তৰ পৰীক্ষা কৰাৰ পিছত পৰিয়ালৰ লোকক চমজাই দিয়ে৷ মৃত যুৱকজন ডিফু থানা এলেকাৰ তাৰালাংচৰ মিলাংচ’ৰ মৃত ৰতন ৰংফাৰৰ পুত্ৰ ডেভিদচন ৰংফাৰ (২৫) বুলি চিনাক্ত কৰা হৈছে, লগতে মৃত যুৱকজন আলোচনাপন্থী উগ্ৰপন্থী সংগঠন কেপিএলটিৰ ডিফু ৫ মাইলস্থিত ডেজিগনেটেড কেম্পৰ কেডাৰ বুলি জানিব পৰা গৈছে৷

বাতৰি লিখা পৰলৈকে মৃত্যুৰ কাৰণ জানিব পৰা হোৱা নাই যদিও এই সন্দৰ্ভত ডিফু থানাত ০৩/২০২০ নম্বৰত এক ইউডি গোছৰ ৰুজো দি তদন্ত অব্যাহত ৰখা হৈছে বুলি আৰক্ষীয়ে জানিবলৈ দিছে৷