অসম-নাগালেণ্ড সীমান্তৰ লাহৰিজানৰ (Lahorijan) দুদুকলোনীত পিষ্টল আৰু সজীৱ গুলী সহ যুৱক আটক
লোকসভা নিৰ্বাচনৰ গৰম বতাহ চলি থকাৰ সময়তে অসম-নাগালেণ্ড সীমান্তৰ লাহৰিজানত উদ্ধাৰ হৈছে পিষ্টল সহ সজীৱ গুলী ৷
এক গোপন খবৰৰ ভিত্তিত খটখটী থানা এলেকাৰ লাহৰিজান দুদু কলনিৰ উচ্ছেদস্থলীৰ আইজুল আলী এটা জুপুৰি ঘৰৰ তেওঁৰ জোৱাই পৰা উদ্ধাৰ হৈছে এটা পইণ্ট 22 পিষ্টল আৰু তিনি জাই সজীৱ গুলী।
বোকাজান মহকুমা আৰক্ষী বিষয়া ৰুস্তমৰাজ ব্ৰক্ষ্মৰ নেতৃত্বত খটখটী থানাৰ অচি ৰমেন বৰদলৈ, এছআই স্বমধন স্বৰ্গীয়াৰী, কামাণ্ড আৰু চিআৰপি এফৰ সহযোগত চলিছিল অভিযান
এই সন্দৰ্ভত আৰক্ষীয়ে দুদু কলনিৰ জামাল আলিৰ পুত্ৰ আকবৰ আলি (২৩)ক আটক কৰি তদন্ত অব্যাহত ৰাখিছে ৷
