গুৱাহাটীক (Guwahati) দ্বিতীয় প্ৰদূষিত চহৰ বুলি অভিহিত কৰা চুইজাৰলেণ্ডৰ বায়ু গুণাগুণ প্ৰযুক্তি সংস্থা আইকিউএয়াৰৰ প্ৰতিবেদন নাকচ কৰিছে অসম ৰাজ্যিক প্ৰদূষণ নিয়ন্ত্ৰণ ব’ৰ্ডে। বুধবাৰে ৰাজ্যৰ প্ৰদূষণ পৰিষদে দাবী কৰে যে মহানগৰীৰ বায়ু প্ৰদূষণ সম্পূৰ্ণ নিয়ন্ত্ৰিত আৰু আন্তঃৰাষ্ট্ৰীয় প্ৰতিবেদনত দেখুওৱাতকৈ বহু কম।
আনহাতে, আইকিউএয়াৰৰ প্ৰতিবেদনক ‘অবৈজ্ঞানিক আৰু অৰ্থহীন’ বুলি অভিহিত কৰি ব’ৰ্ডে কয় যে বায়ুৰ পৰিৱেশৰ গুণমানৰ ওপৰত তেওঁলোকৰ নিৰীক্ষণে প্ৰকাশ কৰিছে যে গুৱাহাটীৰ বায়ুত মাহেকীয়া গড় পিএম২.৫ৰ ঘনত্ব প্ৰতি ঘনমিটাৰত ৫২.৬১ মাইক্ৰ’গ্ৰাম আছিল, য’ত আইকিউএয়াৰে দাবী কৰা মতে প্ৰতি ঘনমিটাৰত ১০৫.৪ মাইক্ৰ’গ্ৰাম।
