সোমবাৰে ডিফুস্থিত (In Diphu) লাংকুং হাবে মেম’ৰিয়েল টাউন হলত এদিনীয়া কাৰ্যসূচীৰে অখিল ভাৰত বিদ্যাৰ্থী পৰিষদ (Akhil Bharat Vidyarthi Parishad) চমুকৈ এবিভিপি (ABVP)ৰ উদ্যোগত অসম ৰাজ্যিক জনজাতি সন্মিলন (Assam State Tribal Conference) অনুষ্ঠিত হৈ যায়৷ “বঢ়েগা জনজাতি বঢ়েগা অছম” থীম হিছাপে লৈ অনুষ্ঠিত হব হোৱা সন্মিলনখনত অসমৰ বিভিন্ন প্ৰান্তৰ প্ৰায় ৫ শতাধিক জনজাতি ছাত্ৰ-ছাত্ৰীয়ে অংশগ্ৰহণ কৰে৷
উক্ত সন্মিলনত মুখ্য অতিথি হিছাপে কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ, বিশিষ্ট অতিথি এনএছএছৰ প্ৰাক্তন আঞ্চলিক সঞ্চালক সুনিল বসুমতাৰী, বিশেষ অতিথি এবিভিপিৰ ৰাষ্ট্ৰীয় সচিব বুদ্ধদেৱ বাঘ, অভ্যৰ্থনা সমিতিৰ সভাপতি সুবিদ দত্ত, সাধাৰণ সম্পাদক ডঃ পংকজ টেৰণ আৰু আমন্ত্ৰিত অতিথি হিছাপে এবিভিপিৰ ৰাজ্যিক সভাপতি, সম্পাদক ক্ৰমে, ৰিতামণি বৈশ্য আৰু হেৰল্ড মোহন উপস্থিত থাকে৷
মুখ্য অতিথি হিছাপে উপস্থিত থাকি কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে (Tuliram Rangha) কয় যে, ডিফুত এবিভিপিৰ অসম ৰাজ্যিক জনজাতি সন্মিলন অনুষ্ঠিত জনজাতি অধ্যুষিত জিলা কাৰবি আংলঙৰ বাবে এটা ভাল কথা ৷ বিভিন্ন জনজাতি ছাত্ৰ-ছাত্ৰীয়ে এই সন্মিলনৰ জৰিয়তে নিজৰ অভাৱ- অভিযোগবোৰ উপস্থাপন কৰিবলৈ সুবিধা পাব ৷ কাৰবি আংলং জিলাত জনজাতিসকলৰ মাজত হোৱা সংঘাত হ্ৰাস পোৱাৰ ফলত জিলাখনত শান্তিৰ পৰিৱেশে বিৰাজ কৰিছে ৷ বন্ধুক আৰু বন্ধ সংস্কৃতিৰে সমস্যা সমাধান কৰিব নোৱাৰি আলাপ-আলোচনাৰ মাধ্যমেৰেহে সমস্যাবোৰ সমাধান কৰিব পাৰে বুলি মন্তব্য কৰে তুলিৰাম ৰংহাঙে৷
আনহাতে এনএছএছৰ প্ৰাক্তন আঞ্চলিক সম্পাদক সুনিল বসুমতাৰীয়ে কাৰবি আংলঙৰ স্বতন্ত্ৰ কলা-কৃষ্টি সংস্কৃতিৰ উচ্চ প্ৰসংসা কৰে ৷ এবিভিপিয়ে চৰিত্ৰ নিৰ্মান, একতা, ব্যক্তি নিৰ্মাণ আৰু ৰাষ্ট্ৰ নিৰ্মাণৰ বাবে কাম কৰি আহিছে৷ জনসাধাৰণক ‘দিয়া আৰু অনুদান’ নীতিৰ জৰিয়তে এবিভিপিয়ে সেৱা আগবঢ়াইছে বুলিও কয় নেতাগৰাকীয়ে।
