গুৱাহাটী উচ্চ ন্যায়ালয় (Gauhati High Court)ৰ মুখ্য ন্যায়াধীশ হিচাপে (As Chief Justice) ন্যায়াধীশ বিজয় বিষ্ণয়ক নিযুক্তি (Vijay Bishnoi appointed) দিয়া হৈছে। তেওঁৰ কাৰ্যকাল ২ ফেব্ৰুৱাৰীৰ পৰা কাৰ্যকৰী হৈছে। ন্যায়াধীশ বিজয় বিষ্ণয় ইয়াৰ পূৰ্বে ৰাজস্থান উচ্চ ন্যায়ালয়ৰ ন্যায়াধীশ হিচাপে কৰ্মৰত আছিল৷গুৱাহাটী উচ্চ ন্যায়ালয়ৰ মুখ্য ন্যায়াধীশ সন্দীপ মেহতাৰ উচ্চতম ন্যায়ালয়লৈ পদোন্নতি হোৱাত এই পদটো খালী হৈছিল৷ এতিয়া সন্দীপ মেহতাৰ স্থানত গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে বিজয় বিষ্ণয়ক নিযুক্তিৰ পৰামৰ্শ আগবঢ়ায় উচ্চতম ন্যায়ালয়ৰ কলেজিয়ামে।
বিজয় বিষ্ণয়ৰ সকলো দিশ পৰ্যালোচনা কৰাৰ পিছত উচ্চতম ন্যায়ালয়ৰ কলেজিয়ামে তেওঁক গুৱাহাটী উচ্চ ন্যায়ালয়ৰ মুখ্য ন্যায়াধীশৰূপে নিযুক্তিত অনুমোদন জনায়। ন্যায়াধীশ বিজয় বিষ্ণয়ে পূৰ্বতে ৰাজস্থান উচ্চ ন্যায়ালয় আৰু যোধপুৰৰ কেন্দ্ৰীয় প্ৰশাসনিক ন্যায়াধিকৰণত দেৱানী, অপৰাধমূলক, সাংবিধানিক, সেৱা আৰু নিৰ্বাচনী গোচৰত বিশেষজ্ঞতাৰে আইনৰ চৰ্চা কৰিছিল।
