ৰণৱীৰ সিং তথা সাৰা আলি খান অভিনীত ছবি “সিম্বা” ৰ এবছৰ পূৰ্ণ হোৱাৰ সময়ছোৱাতে ইয়াৰ নিৰ্মাতাই আকৌ এবাৰ দৰ্শকক উৎসাহিত কৰি তুলিছে। ৰোহিত চেট্টীৰ আগন্তুক ছবি “সূৰ্য়বংশী” ৰ এটা সৰু ভিডিঅ’ দৰ্শকৰ মাজত উলিয়াই দিয়া হৈছে।
অভিনেতা অজয় দেৱগনে নিজ টুইটাৰ একাউন্টত এক ভিডিঅ’ শ্বেয়াৰ কৰে; য’ত সিংঘম আৰু সিম্বা সূৰ্য়বংশীৰ সৈতে একেলগে দেখিবলৈ পোৱা যাব। তেওঁ টুইটাৰত ভিডিঅ’টো দিয়াৰ লগতে তাত কেপছন দিয়ে যে, “তিনি গুণ মনোৰঞ্জন, তিনি গুণ একচন আৰু তিনি গুণ একচনৰ প্ৰতিশ্ৰুতি”।
https://www.instagram.com/ajaydevgn/?utm_source=ig_embed
“সূৰ্য়বংশী” ছবিখনে মুক্তি লাভ কৰিব ২০২০ চনৰ ২৭ মাৰ্চ তাৰিখে। উল্লেখ্য যে,এই ছবিখন ছলমানৰ ছবি “ইনছাল্লাহ” ৰ সৈতে একে দিনাই মুক্তি লাভ কৰাৰ কথা আছিল যদিও পিছলৈ “সূৰ্য়বংশী” ৰ মুক্তিৰ তাৰিখ সলনি কৰি দিয়া হয়।
