কাৰ্বি আংলং জিলাৰ ডকমকা আৰক্ষী (Dokmoka Police)য়ে আজি বৃহৎ পৰিমানৰ অ’পিয়াম (আফিং) জব্দ (Huge quantity of Opium seized) কৰিবলৈ সক্ষম হয়।
জিলা অতিৰিক্ত আৰক্ষী অধীক্ষক (সদৰ )কংকন কুমাৰ নাথে সংবাদমাধ্যমৰ আগত প্ৰকাশ কৰা তথ্য অনুসৰি ডিমাপুৰৰ দিশৰ পৰা আহি থকা এনএল-০১-এএফ-০৮৮২ নম্বৰৰ ট্ৰাকখন নাকা তালাচীত চলোৱা তালাচীত ট্রাকখনৰ গোপন কক্ষত লুকুৱাই অনা অৱস্থাত ৫৪ পেকেট অপিয়াম উদ্ধাৰ (54 packets of opium recovered) হয়।
জব্দ হোৱা অপিয়ামখিনিৰ ওজন ৫১ কিলোগ্রাম (51 K.G) বুলি জানিবলৈ দিয়ে। এই সংক্ৰান্তত আৰক্ষীয়ে গাড়ীখনৰ চালক সঞ্জীৱ ছেত্ৰী আৰু হেণ্ডিমেন মনু ছেত্রীক আটক কৰি সোধাপোছা অব্যাহত ৰখা বুলি অতিৰিক্ত আৰক্ষী অধীক্ষকগৰাকীয়ে জানিবলৈ দিয়ে। আন্তঃৰাষ্ট্ৰীয় বজাৰত ইয়াৰ মূল্য কেইবা কোটি টকা হ’ব বুলি জানিব পৰা গৈছে।
