যোৱা বছৰ কণ্ঠশিল্পী মিকা সিঙে (Singer Mika Singh) আয়োজন কৰিছিল সয়ম্বৰ। শ্ব’টোৰ নাম আছিল ‘সয়ম্বৰ- মিকা দি বোটি’ (Sayambar – Mika di Boti)। এই শ্ব’টোৰ জৰিয়তে মিকাই নিজৰ জীৱন সংগী বিচাৰি পায়। ফাইনেললৈ উন্নীত হৈছিল নীট মহল, থানহিকা দাস আৰু আকাংক্ষা পুৰী। থানহিকা আৰু নীটক এৰি মিকাৰ হৃদয় জয় কৰে তেওঁৰ পুৰণি বান্ধৱী আকাংক্ষাই (Akanksha Puri)। আকাংক্ষাই ৱাইল্ড কাৰ্ডৰ জৰিয়তে প্ৰতিযোগিতাত যোগদান কৰিছিল। পাঞ্জাবী গায়কগৰাকীৰ অভিনেত্ৰীগৰাকীৰ লগত চিনাকি তেৰ-চৈধ্য বছৰ ধৰি। ইজনে সিজনৰ ঘনিষ্ঠ বন্ধু। এটা সময়ত দুয়োৰে মাজত সম্পৰ্ক আছিল। সেই হেঁপাহেৰে মিকাই সয়ম্বৰৰ মঞ্চত মালা পিন্ধায়। ছমাহৰ পিছত দুয়োৰে বিয়া হʼবলগা আছিল। কিন্তু বছৰ পাৰ হৈ গʼল যদিও তেওঁলোকৰ মুখত বিয়াৰ নাম নাই। অৱশেষত মিকাই বিয়া ভাঙাৰ কথা ঘোষণা (Mika announces break-up marriage) কৰিলে। কিন্তু কিয়? গায়কগৰাকীয়ে নিজেই কৈছে ইয়াৰ কাৰণ।
সৰু পৰ্দাৰ অভিনেত্ৰী হৈছে আকাংক্ষা। কেইবাজনো টেলিভিছন নায়কৰ সৈতে তেওঁৰ ৰোমাঞ্চৰ বাতৰিও শুনা যায়। উদ্যোগটোৰ ভিতৰতে পৰিচিত হʼলেও তেওঁ মিকাৰ সৈতে এই শ্ব’টো কৰি দৰ্শকৰ দৃষ্টিগোচৰ হৈছিল। তেতিয়াৰ পৰাই তেওঁ লাইমলাইটলৈ আহে। ‘বিগ বছ অ’টিটি ২’ৰ ঘৰলৈ মতাৰ পিছত তেওঁ ইয়াত অংশগ্ৰহণ কৰে।
ছচিয়েল মিডিয়াত তেওঁৰ আৰু ডুবাইৰ মডেল জাদ হাদিদৰ মাজত হোৱা লিপ কিছক লৈও ধুমুহাৰ সৃষ্টি হয়। এই ঘটনাৰ কেইদিনমানৰ ভিতৰতে আকাংক্ষাই বিগবছৰ ঘৰৰ পৰা ওলাই যায়। যদিও সেই সময়ত মিকাৰ বিষয়টো অহাত তেওঁলোক ইজনে সিজনৰ ‘ঘনিষ্ঠ বন্ধু’ বুলি আকাংক্ষাই কয়। কিন্তু এইবাৰ মিকাই স্পষ্টকৈ কʼলে যে তেওঁলোকৰ বিয়া নহয়।
মিকাই কয়, “শ্ব’টোত আকাংক্ষাক জীৱন সংগী হিচাপে বাছি লৈছিলো যদিও পিছত উপলব্ধি হৈছিল যে আমি ইজনে সিজনৰ বাবে উপযুক্ত নহয়।” মই এজন গায়ক। তেওঁ এগৰাকী অভিনেত্ৰী। বছৰৰ বেছিভাগ সময় শ্ব’ৰ বাবেই দেশৰ বাহিৰত থাকিবলগীয়া হয়। তেওঁৰ কাম মুম্বাইত। তেওঁ গায়িকা হওক বা নহওক, আমি একেলগে কিবা এটা ভাবিব পাৰিলোঁহেঁতেন। কিন্তু তেওঁৰ পেছা মোৰ পৰা সম্পূৰ্ণ পৃথক।”
মিকাই লগতে কয়, “শ্ব’টোৰ বিষয়ে একোৱেই পূৰ্ব পৰিকল্পনা কৰা হোৱা নাছিল। আনকি আকাংক্ষাৰ শ্ব’ত প্ৰৱেশ হঠাতে হয়। কিন্তু বিবাহ এটা ডাঙৰ সিদ্ধান্ত। ভৱিষ্যতে আক্ষেপ কৰিব নিবিচাৰো। গতিকে নিজৰ বাবে সময় লৈছোঁ।”