নিৰ্বাচনী প্ৰচাৰ সভাত ৰাহুল গান্ধীৰ (Rahul Gandhi) ওপৰত বিতৰ্কিত মন্তব্য কৰাৰ অভিযোগত উত্তৰাখণ্ডৰ আদালতত হাজিৰ হ’ব লাগিব মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma)৷ ২১ ছেপ্টেম্বৰত হাজিৰ হোৱাৰ নিৰ্দেশ দিছে উত্তৰাখণ্ডৰ এখন আদালতে৷ উল্লেখযোগ্য যে উত্তৰাখণ্ডৰ উধমসিং নগৰ জিলা সত্ৰ ন্যায়ালয়ে জাননী জাৰি কৰিছে মুখ্যমন্ত্ৰী হিমন্ত বিশ্ব শৰ্মালৈ। ৰাহুল গান্ধীৰ বিৰুদ্ধে অশোভনীয় মন্তব্য কৰাৰ অভিযোগৰ বাবেই মুখ্যমন্ত্ৰীলৈ এই জাননী জাৰি কৰা হৈছে৷
উল্লেখযোগ্য যে ২০২২ চনৰ উত্তৰাখণ্ড বিধানসভা নিৰ্বাচনৰ সময়ত ৰাহুল গান্ধী আৰু ছোনিয়া গান্ধীৰ বিষয়ে বিতৰ্কিত মন্তব্য কৰাৰ অভিযোগ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে ৷ তাৰ পিছতে তেওঁৰ বিৰুদ্ধে গোচৰ ৰুজু কৰা হয় ৷
গণেশ উপাধ্যায় নামৰ এগৰাকী ৰাজ্যিক কংগ্ৰেছৰ নেতাই এই গোচৰ ৰুজু কৰিছিল৷ উল্লেখযোগ্য যে ২০২২ চনৰ ২১ ফেব্ৰুৱাৰীত উত্তৰাখণ্ড বিধানসভাৰ এক নিৰ্বাচনী প্ৰচাৰ সভাত হিমন্ত বিশ্ব শৰ্মাই ৰাহুল গান্ধীক উদ্দেশ্যি মন্তব্য কৰিছিল ‘আপুনি কোন পিতৃৰ সন্তান আমি প্ৰমাণ বিচাৰিছো নেকি?’ এই মন্তব্যৰ বিৰুদ্ধেই আদালৰ কাষ চাপিছিল উত্তৰাখণ্ডৰ কংগ্ৰেছ নেতাগৰাকী৷
