৭ ছেপ্টেম্বৰত বিশ্বজুৰি মুক্তি লাভ কৰিছে শ্বাহৰুখ খানৰ (Shah Rukh Khan) বহু চৰ্চিত ছবি ‘জোৱান’ (Jawan)। শ্বাহৰুখ খানৰ প্ৰথমখন পান ইণ্ডিয়ান ছবি ‘জোৱান’ৰ পৰিচালনা দক্ষিণৰ পৰিচালক আটলীৰ। ছবিখন মুক্তি পোৱাৰ পূৰ্বেই বিপুল জনপ্ৰিয়তা লাভ কৰে। ইয়াৰ প্ৰমাণ প্ৰথমদিনাৰ বক্স অফিচৰ ব্যৱসায়িক পৰিসংখ্যাই। শ্বাহৰুখ খানৰ ছবিখনে মুক্তিৰ দিনাই দেশত ৭৫ কোটি টকাৰ ব্যৱসায় কৰে।
বিশ্বব্যাপী ব্যৱসায়ৰ ক্ষেত্ৰত প্ৰথমদিনাই সেই সংখ্যা ১২৫ কোটি। পঞ্চম দিনাবিশ্বজুৰি বক্স অফিচত মুঠ ৫৭৫ কোটি টকাৰ ব্যৱসায় কৰে। আমেৰিকা, ডুবাই, অষ্ট্ৰেলিয়াৰ দৰে দেশতো দৰ্শক আৰু অনুৰাগীয়ে ‘জোৱান’ উপভোগ কৰি আছে। কিন্তু ইংলেণ্ডত ইয়াৰ বিপৰীত ছবি (Opposite picture in England)। ছবিগৃহত ‘জোৱান’ চাই দৰ্শক পাগলৰ দৰে হৈ পৰে। কেৱল সেয়াই নহয়, ছবিখনৰ টিকটৰ মূল্যও ঘূৰাই দিবলৈ দাবী জনায়!
শেহতীয়াকৈ ছচিয়েল মিডিয়াত ভাইৰেল হোৱা এটা ভিডিঅʼত এহাল দম্পতীয়ে ইংলেণ্ডত ‘জোৱান’ চোৱাৰ অভিজ্ঞতা শ্বেয়াৰ কৰিছে। উক্ত ভিডিঅʼটোত তেওঁলোকে দুখ প্ৰকাশ কৰে। ভিডিঅʼটোৰ পৰা স্পষ্ট, ‘জোৱান’ক লৈ তেওঁলোক অতি উৎসাহী আছিল। কিন্তু থিয়েটাৰলৈ যোৱাৰ পিছত এটা সমস্যা হয়। ভিডিঅʼটোত দম্পতীহালে দাবী কৰিছে যে ছবিগৃহত ছবিখন ক্লাইমেক্স পাৰ্টৰ পৰাহে প্ৰদৰ্শন আৰম্ভ হৈছিল।
ফলত মুঠ সময়ৰ আধাতে ছবিখন সম্পূৰ্ণ হয়। পিছত পোহৰলৈ আহে যে কৰ্তৃপক্ষই ভুলতে ছবিখনৰ প্ৰথম খণ্ডৰ সলনি দ্বিতীয় খণ্ড দেখুৱাবলৈ আৰম্ভ কৰে। এই ভুলৰ মূল্য দৰ্শকক দিব লাগিব। কেৱল ছবিখন ভালদৰে চাব নোৱাৰাই নহয়, ছবিখন চোৱাৰ উত্তেজনাও হেৰুৱাই পেলাইছিল। ফলত দৰ্শক ক্ষোভিত হৈ পৰে। আনকি টিকটৰ মূল্য ঘূৰাই দিবলৈও দাবী (Demand to refund the ticket price) জনায়।
আনহাতে ‘জোৱান’ আমেৰিকা, ডুবাই, অষ্ট্ৰেলিয়াত ব্যৱসায় কৰি আছে। আনকি মুক্তিৰ চতুৰ্থ দিনটোতে শ্বাহৰুখৰ ছবিখনে ৫০০ কোটি টকাৰ সীমা অতিক্ৰম কৰে। বিশ্ব বক্স অফিচত ইমান দ্ৰুত গতিত ৫০০ কোটি টকাৰ ব্যৱসায় কৰিও হিন্দী ছবিৰ ইতিহাসত এক নজিৰ গঢ়ি তুলিছে ‘জোৱান’-এ।
