পিতৃৰ পথতে খোজ দিছে কন্যাই। সংগীত জগতত তেওঁ দীৰ্ঘদিন ধৰি আছে। কেইবাখনো ছবিৰ পাৰ্শ্ব গায়িকা। এইবাৰ সংগীত পৰিচালনা (Music Direction) কৰিছে এ আৰ ৰহমান (A R Rahman)ৰ কন্যা খাতিজা ৰহমানে (Daughter Khatija Rahman)। তেওঁ নিজেই টুইট কৰে এই সুখৰ খবৰ। খবৰটো শুনাৰ পিছত দেশৰ সংগীত জগতে ঘোষণা কৰে, নৱপ্ৰজন্মও ‘ৰহমানীয়া’ৰ প্ৰতি আকৰ্ষিত হʼবলৈ গৈ আছে।
তামিল ছবি ‘মিনমিনী’ত সংগীত পৰিচালক হিচাপে আত্মপ্ৰকাশ কৰিছে ৰহমান-কন্যাই। খাতিজাৰ লগতে ছবিখনৰ পৰিচালক হালিতা ছামিমেও সোমবাৰে আনুষ্ঠানিক ঘোষণা কৰে। টুইটত লিখিছে, “#মিনমিনীৰ বাবে এই ব্যতিক্ৰমী প্ৰতিভাৰ সৈতে কাম কৰি অত্যন্ত সুখী। সংগীত পৰিচালনাৰ এক উজ্জ্বল প্ৰতিভা গায়িকাগৰাকী। কিবা এটা ডাঙৰ ঘটনা হʼবলৈ ওলাইছে।” হালিতা আৰু খাতিজাই ৰেকৰ্ডিং ষ্টুডিঅ’ত কাম কৰা ছবিও শ্বেয়াৰ কৰে।
২০১০ চন। খাতিজাই বিজ্ঞান-কল্পকাহিনী একচন ছবি এন্থিৰানত প্লেবেক গায়িকা হিচাপে আত্মপ্ৰকাশ কৰে। ইয়াৰ পিছত তেওঁ বহু তামিল, তেলেগু আৰু হিন্দী ছবিৰ টাইটেল ট্ৰেক গাইছে। এই তালিকাত আছে ‘ৰবট’, ‘এম এম’ আৰু ‘ইৰাভিন নিজাল’ৰ দৰে হিট গীত। খাতিজাই শেহতীয়াকৈ মণিৰত্নমৰ ‘পনীয়ান চেলভান ২’ত ‘চিননজিৰু’ গীতটোও গাইছে। হালিতাৰ ‘মিনমিনী’ত মুখ্য চৰিত্ৰত অভিনয় কৰিছে ইথাৰ অনিল, গৌৰৱ কলাই আৰু প্ৰবীণ কিশোৰে। পৰিচালক হৈছে ‘আইলে’ (২০২১), ‘চিল্লু কাৰুপট্টি’ (২০১৯) আৰু ‘পুৰছুম পি পি’ (২০১৪) আদি জনপ্ৰিয় তামিল ছবিৰ পৰিচালক। খবৰ অনুযায়ী, চলিত বৰ্ষৰ শেষৰ ফালে ছবিখন মুক্তি পোৱাৰ সম্ভাৱনা আছে।
