দিল্লীৰ (Delhi) ৰাজপথত বৰ্বৰতা। ৰাজহুৱা স্থানত কিশোৰী প্ৰেমিকাক
হত্যা প্ৰেমিক যুৱকৰ। কিন্তু আচৰিত কথা, ৰাস্তাৰ কাষত সেই দৃশ্য বহুতে প্রত্যক্ষ কৰিছিল। কিন্তু যুৱকজনক বাধা দিবলৈ কোনেও আগবাঢ়ি নাহিল। ঘটনাটো চিচিটিভিৰ ফুটেজত (CCTV Footage) ধৰা পৰে।
Delhi Teen Stabbed 22 Times; Boyfriend Arrested:
দিল্লীৰ ৰোহিনী (Rohini) অঞ্চলত সংঘটিত হয় এই ঘটনা। বস্তি এলেকাৰ কাষৰ এটা ৰাস্তাৰে পাৰ হৈ গৈ আছিল ১৬ বছৰীয়া কিশোৰীগৰাকী (16yrs old girl)। সেই সময়ত যুৱকজনে তেওঁক আক্ৰমণ কৰে। জানিব পৰা মতে, যুৱকজনৰ লগত ছোৱালীজনীৰ প্ৰেমৰ সম্পৰ্ক আছিল। অভিযুক্তৰ নাম চাহিল।
আৰক্ষীয়ে জনোৱা মতে, কিশোৰীগৰাকীক তেওঁৰ ঘৰৰ সমীপতে হত্যা কৰা হৈছে। জন্মদিনৰ পাৰ্টি এটালৈ গৈ আছিল তেওঁ। সেই সময়ত প্ৰেমিকজনে আহি তেওঁক ছুৰীৰে আঘাত কৰে। ঘটনাৰ চিচিটিভি ফুটেজ সংগ্ৰহ কৰা হৈছে।
চিচিটিভিৰ ফুটেজত যুৱকজনে এটাৰ পিছত এটাকৈ ছোৱালীজনীক নৃশংসভাৱে প্ৰহাৰ কৰা দেখা গৈছে। এটা সময়ত চোকা ছুৰীৰে বাৰম্বাৰ আঘাত কৰে। তাৰ পিছতো যুৱকজন ক্ষান্ত নহ’ল। চিমেণ্টৰ ডাঙৰ ফলক এখনেৰে ছোৱালীজনীৰ মূৰটো ভাঙি পেলায়। কিন্তু আচৰিত কথা এই ঘটনাৰ সময়ত তাত বহু লোক আছিল। কিন্তু কোনোৱেই যুৱকজনক বাধা নিদিলে। বৰঞ্চ কাষেৰে পাৰ হৈ যায়।
ইয়াৰ পিছতে সোমবাৰে উত্তৰ প্ৰদেশৰ পৰা চাহিলক গ্ৰেপ্তাৰ কৰে আৰক্ষীয়ে। তদন্তকাৰীৰ সন্মুখত তেওঁ হত্যাকাণ্ড, হত্যাৰ কাৰণ, পৰিকল্পনাৰ বিষয়ে স্পষ্টকৈ কয়।
আৰক্ষীয়ে দাবী কৰিছে যে চাহিলে হত্যাকাণ্ডৰ কথা স্বীকাৰ কৰিছে। লগতে তেওঁ কয় যে হত্যাকাণ্ডৰ বাবে তেওঁৰ কোনো অনুশোচনা নাই। কিন্তু কিয় ইমান নিৰ্মমভাৱে প্ৰেমিকক হত্যা কৰিলে? চাহিলে কয় যে ছোৱালীজনীয়ে বিচ্ছেদৰ কথা কৈছিল। সেই খঙৰ বাবেই তেওঁ হত্যা কৰিলে।
চাহিলৰ প্ৰেমিকাৰ বয়স ১৬ বছৰ। ২০২১ চনৰ পৰা ইজনে সিজনৰ লগত সম্পৰ্কত আছিল। চাহিলে দাবী কৰে যে শেহতীয়াকৈ ছোৱালীজনীয়ে সম্পৰ্ক ভংগ কৰাৰ কথা কৈছিল। কেৱল সেয়াই নহয়, চাহিলে সন্দেহ কৰে যে তেওঁ আকৌ পুৰণি প্ৰেমিকৰ ওচৰলৈ উভতি গৈছে।
কিশোৰীগৰাকীৰ হাতত উদ্ধাৰ হৈছে ‘প্ৰবীণ’ নামৰ টেটু। তেওঁৰ প্ৰাক্তন প্ৰেমিকৰ সৈতেও সংস্পৰ্শত আছিল। ভাবুকি দিলে চাহিলক, ওচৰ চাপিবলৈ চেষ্টা কৰিলে আৰক্ষীক খবৰ দিব। আনকি আৰক্ষীয়ে জনোৱা মতে, চাহিলক কিছুদিন পূৰ্বে তেওঁৰ প্ৰেমিকাই ভুৱা পিষ্টলেৰে ভাবুকি দিছিল।
আৰক্ষীয়ে যুৱকজনৰ বিৰুদ্ধে ভাৰতীয় দণ্ডবিধিৰ ৩০২ ধাৰাত গোচৰ ৰুজু কৰিছে। ঘটনা সন্দৰ্ভত তদন্ত অব্যাহত আছে।
