পত্নীৰ সৈতে ঘৰত মদ্যপান কৰি আছিল স্বামীয়ে। হঠাতে মদ খাই কামাতুৰ হৈ পৰে। পত্নীক মনৰ ইচ্ছা জনোৱাৰ পিছতে আৰম্ভ হয় অশান্তি। ছত্তীশগড় (Chhattisgarh) নিবাসী শংকৰ ৰামে মতানৈক্যৰ বাবে খঙতে পত্নীক হত্যা (Murder) কৰে। ছত্তীশগড়ৰ যশপুৰ জিলাত সোমবাৰে নিশা সংঘটিত হয় এই ঘটনা। মৃতকৰ নাম আশাবাই।
মঙলবাৰে পুৱা আৰক্ষীয়ে হত্যাৰ অভিযোগত শংকৰক গ্ৰেপ্তাৰ কৰে।আৰক্ষীৰ সূত্ৰ অনুসৰি, সোমবাৰে নিশা শংকৰ আৰু আশা দুয়োৱেই মদ্যপান কৰি আছিল। কিছুসময় সুৰাপানৰ অন্তত শংকৰে আশাৰ লগত সংগম কৰিব বিচাৰিছিল। কিন্তু আশাই স্বামীৰ ইচ্ছাৰ প্ৰতি সঁহাৰি নিদিলে। তাৰ পৰিৱৰ্তে তেওঁ শংকৰক ঘূৰাই দিলে। সঙ্গমত সন্মতি নিদিয়াৰ বাবে শংকৰে আশাৰ লগত অশান্তি আৰম্ভ কৰে। অশান্তি অব্যাহত থকাৰ সময়তে আশাই কুঁৱাত জঁপিয়াই আত্মহত্যাৰ চেষ্টা চলায়।
শংকৰে ততাতৈয়াকৈ ঘৈণীয়েকৰ প্ৰাণ বচাবলৈ কুঁৱাৰ ওচৰলৈ দৌৰি যায়। কুঁৱাটোত জঁপিয়াই আশাক উদ্ধাৰ কৰিলে। পত্নীৰ প্ৰাণ ৰক্ষা কৰাৰ পিছত পুনৰ একে কাৰণতে দুয়োৰে মাজত কাজিয়া আৰম্ভ হয়। এইবাৰ শংকৰে আৰু নিজৰ খং নিয়ন্ত্ৰণ কৰিব নোৱাৰিলে। কাৰণ আশাই দ্বিতীয়বাৰৰ বাবে যৌন সম্পৰ্কত বাধা দিয়ে। অভিযোগ অনুসৰি, খঙত তেওঁ আশাক শাৰীৰিক অত্যাচাৰ কৰিবলৈ আৰম্ভ কৰে। আৰক্ষীৰ সূত্ৰ অনুসৰি, শংকৰে আশাক যৌনাংগত আঘাত কৰি ক্ষতবিক্ষত কৰে।তেওঁ আশাক অত্যাচাৰ কৰি হত্যা কৰে।
আৰক্ষীৰ তথ্য অনুসৰি, হত্যাকাণ্ডৰ পিছত গোটেই ৰাতি শংকৰে পত্নীৰ মৃতদেহৰ কাষত বহি আছিল। স্থানীয় ৰাইজে মঙলবাৰে পুৱা আৰক্ষীক খবৰ দিয়ে। তথ্য লাভ কৰাৰ পিছতে ঘটনাস্থলীত উপস্থিত হয় আৰক্ষী। হত্যাৰ অভিযোগত গ্ৰেপ্তাৰ কৰে শংকৰক। আৰক্ষীৰ সূত্ৰ অনুসৰি, সমগ্ৰ বিষয়টোৰ তদন্ত অব্যাহত ৰাখিছে।
