ভাৰতীয় শিক্ষানুষ্ঠানসমূহে (Indian educational institution) পুনৰবাৰ বিশ্ব ৰেংকিঙত স্থানলাভ (Place in the world ranking) কৰিছে। শেহতীয়াকৈ আন্তঃৰাষ্ট্ৰীয় সংস্থা ‘Quacquarry Symonds (QS) University Rankings 2027’ প্ৰকাশ পাইছে। মুঠ ৫২খন ভাৰতীয় বিশ্ববিদ্যালয় আৰু শিক্ষানুষ্ঠানে বিশ্ব তালিকাত স্থান দখল কৰিছে। দেশৰ তিনিখন আইআইটি প্ৰথম ২০০ৰ তালিকাত আছে। দেশৰ ভিতৰতে শীৰ্ষ স্থানত থকা আইআইটি দিল্লীয়ে (Delhi IIT) ১১৮ নম্বৰ স্থান দখল কৰিছে। তালিকাত পৰৱৰ্তী স্থানত আছে আইআইটি বম্বে। বম্বেৰ ৰেংকিং ১৩৪ । তাৰ পিছত আইআইটি মাদ্ৰাজ ১৭০ নম্বৰ স্থানত আছে।
আমেৰিকাৰ ‘মেছাচুচেটছ ইনষ্টিটিউট অব টেকন’লজী’-এ বিশ্বজুৰি এই তালিকাত প্ৰথম স্থান অক্ষুণ্ণ ৰাখিছে। ইম্পেৰিয়েল কলেজ লণ্ডন আৰু ষ্টেনফৰ্ড ইউনিভাৰ্চিটি ক্ৰমে দ্বিতীয় আৰু তৃতীয় স্থানত আছে।
ভাৰতীয় ৫২ খন প্ৰতিষ্ঠানৰ ভিতৰত ৩৩ খন চৰকাৰী আৰু ১৯ খন ব্যক্তিগত। এই তালিকাত ১৩ খন ভাৰতীয় আইআইটি অন্তৰ্ভুক্ত কৰা হৈছে, ইয়াৰে ৮ খন বিশ্বৰ শীৰ্ষ ৫০০ ৰ ভিতৰত আছে। ইয়াৰ উপৰি শীৰ্ষ ৫ খন ভাৰতীয় প্ৰতিষ্ঠান আইআইটি দিল্লী, আইআইটি বম্বে, আইআইটি মাদ্ৰাজ, আইআইটি খড়গপুৰ আৰু আইআইএছ চি বাংগালুৰু বিশ্বৰ শীৰ্ষ ২৫০ খন প্ৰতিষ্ঠানৰ ভিতৰত আছে।
QS Rankings 2027 অনুসৰি ভাৰতৰ শীৰ্ষ ১০ খন প্ৰতিষ্ঠান :
১) আইআইটি দিল্লী (১১৮ নং স্থান)
২) আইআইটি বম্বে (১৩৪ নং স্থান)
৩) আইআইটি মাদ্ৰাজ (১৭০ নং স্থান)
৪) আইআইটি খড়গপুৰ (২০৫ নং স্থান)
৫) আইআইএছচি বাংগালুৰু (২২১ নং স্থান)
৬) আইআইটি কানপুৰ (২২২ নং স্থান)
৭) দিল্লী বিশ্ববিদ্যালয় (৩২৩ নং স্থান)
৮) আইআইটি ৰুঢ়কি (৩৩৫ নং স্থান)
৯) আইআইটি গুৱাহাটী (৩৫০ নং স্থান)
১০) শুলিনি বিশ্ববিদ্যালয় (৪৫৪ নং স্থান)
