আকাশত চৰাইৰ জাক (flock of birds in the sky) উৰি আছে। কিন্তু সেইবোৰৰ কোনোৱেই জীৱিত নহয়! মৃত (Not alive death)। এয়া বিজ্ঞানৰ কল্পকাহিনী নহয়। আমেৰিকাৰ নিউ মেক্সিকো (New Mexico of america)ৰ দুজমান বিজ্ঞানী আৰু কাৰিকৰী বিদ্যাবিদে মৃত চৰাইৰ খোলা (shell of dead birds) ব্যৱহাৰ কৰি এনে এক ‘ফ্লেপিং উইং ড্ৰোন’ (Flapping Wing Drone) নিৰ্মাণ কৰিছে। এই কামত মৃত জীৱ-জন্তুৰ ছাল কাটিব পৰা (taxodermy) বিজ্ঞানৰ বিশেষজ্ঞ একাংশ গৱেষকৰ সহায়ো লোৱা হৈছে।
কেৱল দেখাতেই চৰাইৰ দৰে নহয়। যান্ত্ৰিক চৰাইৰ দলটোৰ উৰণশৈলীও প্ৰকৃত চৰাইৰ দৰে। ফলত ইহঁতক সহজেই মূল জাকটোৰ লগত ‘মিশ্ৰিত’ কৰিব পৰা যায়। ফ্লেপিং উইং ড্ৰোনৰ অন্যতম সৃষ্টিকৰ্তা মুস্তাফা হাছনালিয়নে কয় যে এই সুযোগ ব্যৱহাৰ কৰিলে ভৱিষ্যতে বন্যপ্ৰাণী পৰ্যবেক্ষণ আৰু গৱেষণাৰ নতুন ক্ষেত্ৰ মুকলি হʼব পাৰে।
পেছাত মেকানিকেল ইঞ্জিনিয়াৰ মুস্তাফাই কয়, “এই যন্ত্ৰৰ সহায়ত পৰিভ্ৰমী চৰাইৰ গতিবিধি নিখুঁতভাৱে নিৰীক্ষণ আৰু ফটো তোলা সম্ভৱ।” সেয়েহে এই চৰাই-ড্ৰোনে চৰাইৰ প্ৰব্ৰজনৰ বিষয়ে গুৰুত্বপূৰ্ণ তথ্য আনিব পাৰে ভৱিষ্যতে। কিন্তু একমাত্ৰ অসুবিধাটো হʼল ইহঁতে এবাৰত বিছ মিনিটতকৈ অধিক সময় উৰিব নোৱাৰে। তেওঁ কয় যে কাৰিকৰী উৎকৰ্ষতাৰ উদ্দেশ্যে এই ক্ষেত্ৰত অধিক গৱেষণাৰ প্ৰয়োজন। একাংশ বিশেষজ্ঞৰ মতে, এই যান্ত্ৰিক চৰাইটোক কেৱল প্ৰাণীবিজ্ঞানতে নহয়, প্ৰতিৰক্ষাৰ ক্ষেত্ৰতো, বিশেষকৈ চোৰাংচোৱাগিৰিৰ ক্ষেত্ৰতো ব্যৱহাৰ কৰিব পাৰি। বলীউডৰ চিনেমা ‘উৰি’ত দেখা হালফিলৰ দৰে।
