তিনিদিনীয়া ভ্ৰমণসূচীৰে আজি অসমত উপস্থিত হৈছে দেশৰ ৰাষ্ট্ৰপতি দ্ৰৌপদী মুৰমুৱে (President Draupadi Murmu)। আজি দুপৰীয়া বিশেষ বিমানেৰে ৰাষ্ট্ৰপতিয়ে যোৰহাটৰ ৰৰৈয়া বিমানবন্দৰত অৱতৰণ কৰে। তাত ৰাষ্ট্ৰপতিক উষ্ম আদৰণি জনায় ৰাজ্যপাল গুলাব চান্দ কাটাৰীয়া আৰু মুখ্যমন্ত্ৰী হিমন্ত বিশ্ব শৰ্মাই।
তাৰ পৰা বিশেষ হেলিকপ্টাৰেৰে আহি বোকাখাত ৰাজহুৱা খেলপথাৰত নিৰ্মিত অস্থায়ী হেলিপেডত অৱতৰণ কৰে। তাৰ পৰা তেওঁ পোনে পোনে কাজিৰঙালৈ ৰাওনা হয়।আজি বিয়লি কাজিৰঙাত উপস্থিত হৈ জিপ চাফাৰী কৰে ৰাষ্ট্ৰপতিয়ে। শুকুৰবাৰে কাজিৰঙা গজ মহোৎসৱ উদ্বোধন (Kaziranga Gaj Mahotsav inaugurated) কৰিব ৰাষ্ট্ৰপতিয়ে।
তাৰ পৰা আহি ৭ এপ্ৰিলত গুৱাহাটী উচ্চ ন্যায়ালয়ৰ মহাৰজত জয়ন্তীৰ অনুষ্ঠানত অংশগ্ৰহণ কৰিব। ইয়াৰ পিছত ৮ এপ্ৰিলত তেওঁ তেজপুৰ বায়ুসেনা ঘাটিত চুখয় বিমানৰ বিশেষ উৰণত অংশগ্ৰহণ কৰিব।
