প্ৰধানমন্ত্ৰী নৰেন্দ্ৰ মোডীয়ে (P.M. Narendra Modi) আজি এক উচ্চ পৰ্যায়ৰ বৈঠকত (High-level meeting) বহি বৰ্তমান কোভিড (Covid) পৰিস্থিতিৰ পৰ্যালোচনা কৰে।বিগত কেইমাহমানৰ পৰা কৰোনাৰ ভয় কম হৈছে যদিও শেহতীয়াকৈ সেই ভয় পুনৰ উভতি আহিছে। যোৱা এদিনত দেশত হাজাৰৰো অধিক লোক নতুনকৈ কৰোনাত আক্ৰান্ত হৈছে। কৰোনাৰ বাবে এদিনতে ৫ জন লোকৰ মৃত্যু (5 people died) হৈছে। এই পৰিস্থিতিত সকলোৱে মোডীৰ বৈঠকলৈ অপেক্ষাত আছিল।
সূত্ৰ অনুসৰি, বৈঠকত তেওঁ আতংকিত ন’হৈ, সাৱধানতাৰ ওপৰত গুৰুত্ব আৰোপ কৰে। শ্বাস-প্ৰশ্বাসজনিত সংক্ৰমণ প্ৰতিৰোধৰ পৰা আৰম্ভ কৰি সকলো নিয়ম মানি চলালৈকে তেওঁ কেইবাটাও বিষয়ত পৰামৰ্শ দিয়ে।
বৈঠকৰ অন্তত কেন্দ্ৰীয় চৰকাৰে এক বিবৃতি জাৰি কৰে। জানিব পৰা মতে, আজিৰ বৈঠকত Test, Track, Treat, Vaccination আৰু কোভিড উপযুক্ত আচৰণ নিৰীক্ষণ কৰিবলৈ কোৱা হৈছে। চিকিৎসালয়বিলাকত মক ড্ৰিলৰ কথা কোৱা হয়। কি কৰিব লাগে, মানি চলিবলগীয়া সাৱধানতাৰ লগতে সম্ভাৱ্য সংক্ৰমণৰ হাৰ বৃদ্ধিৰ সৈতে মোকাবিলা কৰাৰ বিষয়ে আলোচনা কৰা হয়।
কৰোনাৰ উপৰি ইনফ্লুৱেঞ্জাৰ বিষয়েও চৰ্চা হৈছে বুলি বাতৰিৰ সূত্ৰই প্ৰকাশ কৰিছে। আজিৰ বৈঠকত কেন্দ্ৰীয় স্বাস্থ্য মন্ত্ৰী, কেন্দ্ৰীয় স্বাস্থ্য সচিব আৰু স্বাস্থ্য মন্ত্ৰালয়ৰ উচ্চপদস্থ বিষয়াসকল উপস্থিত থাকে।
