মুনমুন মাঝিতকৈ (Munmun Majhi) কৰোনা (Corona)ৰ ভয় কোনে ভালকৈ বুজিব পাৰে। তিনি বছৰ (Three years) ধৰি নিজকে এটা কোঠাত আবদ্ধ (Locked in the room) কৰি ৰাখি তেওঁ এতিয়া মাত্ৰ ওলাই আহিছে। জানিব পৰা মতে, মুনমুনে কৰোনা হোৱাৰ আশংকাত ১০ বছৰীয়া পুত্ৰৰ (10-year-old son) সৈতে ঘৰৰ দুৱাৰ বন্ধ (door of the house is closed) কৰি ভিতৰত আছিল। তাৰ পিছত তেনেদৰেই তিনিটা বছৰ পাৰ হৈ যায়। অৱশেষত আৰক্ষী আহি মহিলাগৰাকী আৰু তেওঁৰ পুত্ৰক ঘৰৰ ভিতৰৰ পৰা উলিয়াই আনে।
২০২০ চনত যেতিয়া কৰোনাৰ প্ৰাদুৰ্ভাৱ ভয়ংকৰ আছিল, তেতিয়া মুনমুনে নিজৰ ১০ বছৰীয়া পুত্ৰক লৈ ঘৰত প্ৰৱেশ কৰি সংক্ৰমণৰ পৰা হাত সাৰিবলৈ দুৱাৰখন বন্ধ কৰি দিয়ে। সেই সময়ত স্বামী সুজান লগত আছিল। দৰাচলতে সেই সময়ত আন বহুতেই এনে কাম কৰিবলৈ বাধ্য হৈছিল। ইয়াৰ পিছত ক্ৰমান্বয়ে কৰোনা পাৰ হৈ গʼল। জনজীৱন স্বাভাৱিক হৈ পৰিল। কিন্তু মুনমুনৰ কথা হৈছে, বাহিৰৰ পৰা কাকো ঘৰত সোমাবলৈ নিদিয়ে।
প্ৰথম দিনাই স্বামীয়ে কামলৈ ওলাই গʼল যদিও ঘৰলৈ উভতি যাব নোৱাৰিলে। ওচৰতে ঘৰ ভাড়াত লʼবলগা হয়। ঘৈণীয়েকলৈ বাৰে বাৰে বিভিন্ন ধৰণে মেছেজ পঠিয়াইছিল, কৰোনা নাই, এইবাৰ স্বাভাৱিক জীৱনলৈ উভতি যাওঁ। কিন্তু একো কামত নাহিল। সুজানে শহুৰেক, শাহুৱেকক কʼলেও সেইটোৱো কামত নাহিল। এনেদৰেই তিনি বছৰ পাৰ হৈ গ’ল। অৱশেষত সুজান আৰক্ষীৰ কাষ চাপিল। আৰক্ষী আহিহে দুৱাৰ খুলি মহিলাগৰাকী আৰু তেওঁৰ সন্তানক উলিয়াই আনিলে।
চক্কৰপুৰ (Chakarpur) আৰক্ষী থানাৰ উপ-পৰিদৰ্শক প্ৰবীণ কুমাৰে কয়, “প্ৰথমে বিষয়টোত মই বিশেষ গুৰুত্ব দিয়া নাছিলোঁ বুলি স্বীকাৰ কৰিবলৈ মোৰ কোনো সংকোচ নাই। কিন্তু যেতিয়া মই বুজিলোঁ যে সুজান সঁচাকৈয়ে এটা অদ্ভুত সমস্যাত পৰিছে, তেতিয়া মই সকলো সহায় দিলোঁ। পত্নীৰ সৈতে হোৱা ভিডিঅ’ কলটোৰ কথা সুজানে মোক কʼলে। বাৰে বাৰে কথা পাতি মুনমুনক বুজাটো সম্ভৱ হয়। সৰু লʼৰাটোৰ লগতো কথা পাতে। কিমান দিনৰ পৰা যে সি সূৰ্য্যৰ পোহৰ দেখা নাই।”
