নিউজ ডেস্কঃ ফ্ৰান্সৰ (France) পিছত এইবাৰ এয়াৰ ইণ্ডিয়াই (Air India) আমেৰিকাৰ বিমান কোম্পানীৰ সৈতে ‘ঐতিহাসিক’ চুক্তি স্বাক্ষৰ কৰে। টাটা গ্ৰুপৰ (Tata Group) দ্বাৰা পৰিচালিত কোম্পানীটোৱে আমেৰিকাৰ বহুজাতিক বিমান কোম্পানীটোৰ পৰা ২২০ বিমান বয়িং ক্ৰয় কৰিব। এই চুক্তিৰ আৰ্থিক মূল্য ৩.৪ বিলিয়ন ডলাৰ। ভাৰতীয় মুদ্ৰাত ইয়াৰ মূল্য প্ৰায় ২ লাখ ৮২ হাজাৰ কোটি। আমেৰিকাৰ ৰাষ্ট্ৰপতি জো বাইডেনে (Joe Biden) এই চুক্তিক “ঐতিহাসিক” বুলি অভিহিত কৰিছে।
সংবাদ মাধ্যমৰ দাবী অনুসৰি, এয়াৰ ইণ্ডিয়াই বয়িঙৰ পৰা ১৯০ ৭২৭ মেক্স, ২০ ৭৮৭ আৰু ১০ ৭৭৭ এক্সএছ মডেল ক্ৰয় কৰাৰ চুক্তিত স্বাক্ষৰ কৰিছে। ইয়াৰ লগতে তেওঁলোকৰ হাতত আৰু ৫০খন ৭২৭ মেক্স আৰু ২০টা ৭৮৭ মডেল কিনাৰ বিকল্পও আছে।হোৱাইট হাউছৰ (White House) তথ্য অনুসৰি, এই চুক্তি আমেৰিকাৰ মুদ্ৰাৰ ক্ষেত্ৰত বয়িঙৰ তৃতীয় বৃহত্তম চুক্তি। আনহাতে, আবণ্টনৰ সংখ্যাৰ ক্ষেত্ৰত ই দ্বিতীয় সৰ্বাধিক। মঙলবাৰে এক বিবৃতিত বাইডেনে কয় যে যদিহে এই চুক্তি কাৰ্যকৰী হয় তেন্তে আমেৰিকাৰ ৪৪খন ৰাজ্যত ১০ লাখতকৈ অধিক চাকৰিৰ সহায়ক হʼব।
