স্ব-ঘোষিত গডমেন আশাৰাম বাপুক (Asaram Bapu) ধৰ্ষণকাৰীৰ আখ্যা (Rapist’s name) দিলে গুজৰাটৰ গান্ধীনগৰৰ এখন আদালতে (court in Gandhinagar, Gujarat)। ২০১৩ চনত আশাৰাম বাপুৱে এগৰাকী মহিলা শিষ্যক ধৰ্ষণ কৰাৰ অভিযোগ উত্থাপন কৰা হৈছিল আৰু আশাৰামৰ বিৰুদ্ধে গোচৰ ৰুজু কৰা হৈছিল। শেহতীয়াকৈ এই অভিযোগৰ আধাৰ আশাৰাম বাপুক দোষী সাব্যস্ত কৰা হৈছে। ইয়াৰ বিপৰীতে, গোচৰটোৰ সৈতে জড়িত আন ৬ জনক দোষমুক্ত ঘোষণা কৰে আদালতে, যাৰ ভিতৰত আশাৰামৰ পত্নীও অন্তৰ্ভূক্ত হৈ আছে।
আহমেদাবাদৰ চান্দখেদা আৰক্ষী থানাত দাখিল কৰা এজাহাৰ অনুসৰি, ২০০১ ৰ পৰা ২০০৬ চনতে আশাৰাম বাপুৱে তেওঁৰ চহৰৰ উপকণ্ঠত আশ্ৰমত থকা শিষ্য মহিলাগৰাকীক কেইবাবাৰো ধৰ্ষণ কৰিছিল।
উল্লেখ্য যে, এই বিতৰ্কিত গডমেনজন বৰ্তমান যোধপুৰৰ কাৰাগাৰত আন এটা ধৰ্ষণৰ গোচৰত বন্দী হৈ আছে। চুৰাটৰ এগৰাকী মহিলাই ২০১৩ চনৰ অক্টোবৰত আশাৰাম বাপু আৰু আন ৭ জনৰ বিৰুদ্ধে ধৰ্ষণ আৰু অবৈধ ভাৱে বন্দী কৰি ৰখাৰ গোচৰ ৰুজু কৰিছিল। এই ৭ জনৰ ভিতৰত ইতিমধ্যে এজনৰ মৃত্যু হৈছে।
