পশ্চিম কাৰ্বি আংলং জিলা (West KarbiAnglong District)ৰ জিৰিকিংডেং থানা (Jirikingdeng Thana)ৰ অন্তৰ্গত মূক্ৰং (Mukrong) অঞ্চলত এই উত্তেজনা । অসমৰ বনকৰ্মী (Foresters in Assam) আৰু মেঘালয়ৰ খাচী লোক (Khasi people of Meghalaya)ৰ মাজত চলিছে এই উত্তেজনা । অসমৰ বনকৰ্মী আৰু আৰক্ষীৰ গাড়ী ঘেৰাও মেঘালয়ৰ খাচী লোকৰ। অসমৰ বনকৰ্মীয়ে জব্দ (Seized) কৰিছিল চোৰাং কাঠ কঢ়িয়াই নিয়া মেঘালয়ৰ এখন ট্ৰাক।
ট্ৰাকখন জব্দ কৰাত দুই শতাধিক খাচী লোকে আহি ঘেৰাও কৰে অসমৰ বনকৰ্মী আৰু আৰক্ষীৰ দল দুটাক।পৰিস্থিতি নিয়ন্ত্ৰণৰ বাবে বনকৰ্মী তথা আৰক্ষীয়ে কৰিছিল গুলীচালনা। গুলীচালনাত নিহত ৪ জন (4 killed in firing)। নিহত তিনিজন খাছী দুৰ্বৃত্তৰ লগতে এজন বনকৰ্মী বিদ্যাছিং লেকথে বুলি চিনাক্ত।
ঘটনা খবৰ শুনাৰ পিছতেই তৎকালীনভাৱে কাছাৰৰ আৰক্ষী অধীক্ষক নোমাল মাহাতো আৰু অতিৰিক্ত আৰক্ষী অধীক্ষক সুব্ৰত সেনে আৰক্ষী বাহিনী লৈ দিগৰখাল এলেকাত উপস্থিত হয়।ঘটনাৰ পিছত সতৰ্কতা মূলক ব্যৱস্থা গ্ৰহণ কৰা হৈছে ইতিমধ্যে আৰক্ষী অধীক্ষক নোমাল মাহাতোৱে প্ৰকাশ কৰে।
লগতে তেওঁ কয়, উক্ত ঠাইলৈ মেঘালয়ৰ যানবাহনৰ বাহিৰে আন যানবাহন যাবলৈ দিয়া হোৱা নাই। কেৱল মেঘালয়ৰ যাত্ৰীসকলক যাবলৈ দিয়া হৈছে। ইয়াৰোপৰি দিন আৰু ৰাতি মেঘালয় হৈ যোৱা সকলো যানবাহন যাতায়ত বন্ধ ৰখা হৈছে বুলি আৰক্ষী অধীক্ষক গৰাকীয়ে মন্তব্য কৰাৰ লগতে ঘটনা সন্দৰ্ভত ম মেঘালয় আৰক্ষীৰ সৈতে যোগাযোগ কৰা হৈছে বুলিও তেওঁ কয়।
অসম-মেঘালয় সীমান্তত সংঘটিত এনে সংঘৰ্ষৰ ঘটনাই ৬নং ৰাষ্ট্ৰীয় ঘাইপথৰ দুয়ো পিনে ট্ৰাক-লৰি সহ বিভিন্ন ধৰণৰ যানবাহনৰ দীৰ্ঘ লাইন পৰিছে। তদুপৰি চুবুৰীয়া অঞ্চলৰ স্বাভাৱিক জীৱনযাপনত ব্যাপক প্ৰভাৱ পেলাইছে।
আনহাতে ইয়াৰ পিছতে মেঘালয়ে ৰাজ্যখনৰ সাতখন জিলাত ৪৮ ঘণ্টাৰ বাবে মোবাইল ইণ্টাৰনেট সেৱা স্থগিত ৰাখিছে। মেঘালয় চৰকাৰৰ গৃহ (আৰক্ষী) বিভাগে জাৰি কৰা এক জাননীত কোৱা হৈছে যে মঙলবাৰে পুৱা ১০.৩০ বজাৰ পৰা মেঘালয়ৰ সাতখন জিলাত মোবাইল ইণ্টাৰনেট/ডাটা সেৱা স্থগিত ৰখা হৈছে। অন্যহাতে অসমৰ ফালৰ পৰা যোৱা বাহন সমূহল প্ৰৱেশতো বাধা দিয়া হৈছে।
মুখ্যমন্ত্ৰী কনৰাড চাংমাই কয় যে এই ঘটনাত মেঘালয়ৰ ৫ জন আৰু অসমৰ এজন বনকৰ্মীৰ মৃত্যু হয়। অন্যহাতে ঘটনাত আহত সকলক চিকিৎসালয়লৈ লৈ যোৱা হৈছে।এই সন্দৰ্ভত মেঘালয়ৰ তৰফৰ পৰা এক সংবাদ বিবৃতিও জাৰি কৰা হৈছে। য’ত ঘটনাৰ বিৱৰণী দি ৭ খন জিলাৰ নিষেধাজ্ঞাৰ কথা জনায়।
