ASSAM TIMES POST
সমাজৰ শৈক্ষিক তথা সামাজিক ক্ষেত্ৰখনলৈ আগবঢ়োৱা বৰঙনিৰ বাবে আজি মুঠ পাঁচগৰাকী ব্যক্তিক বিশিষ্ট সেৱাৰ
বাবে সন্মান আগবঢ়োৱা হয়৷গামোচা,চেলেং চাদৰ,জাপি,সম্বৰ্ধনা পত্ৰ আৰু নগদ ২৫ হাজাৰ টকা আগবঢ়োৱা হয় প্ৰতিগৰাকী সম্বৰ্দ্ধিত ব্যক্তিলৈ
হোজাই : ৰাষ্ট্ৰীয় শিক্ষা দিৱসৰ লগত সংগতি ৰাখি আজি ৰাজ্যখনৰ এক স্বেচ্ছাসেৱী সংস্থা আজমল ফাউণ্ডেচনৰ উদ্যোগত হোজাইস্থিত নাজীৰ আজমল কলেজ অব এডুকেছনত এক সম্বৰ্ধনা সভা অনুষ্ঠিত হয়৷উল্লেখ্য যে আজমল ফাউণ্ডেচনে প্ৰতি বছৰে দেশৰ প্ৰথমগৰাকী শিক্ষামন্ত্ৰী মৌলানা আবুল কালাম আজাদৰ জন্ম দিৱসৰ দিনা ৰাজ্যখনৰ যিকোনো পাঁচগৰাকী বিশিষ্ট ব্যক্তিক সম্বৰ্ধনা জনাই আহিছে৷
সমাজৰ শৈক্ষিক তথা সামাজিক ক্ষেত্ৰখনলৈ আগবঢ়োৱা বৰঙনিৰ বাবে আজি মুঠ পাঁচগৰাকী ব্যক্তিক বিশিষ্ট সেৱাৰ বাবে সন্মান আগবঢ়োৱা হয়৷গামোচা,চেলেং চাদৰ,জাপি,সম্বৰ্ধনা পত্ৰ আৰু নগদ ২৫ হাজাৰ টকা আগবঢ়োৱা হয় প্ৰতিগৰাকী সম্বৰ্দ্ধিত ব্যক্তিলৈ৷
হাওৰাঘাট উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ যজ্ঞোৰাম গগৈ,ফৰমাৰপাৰ হাইস্কুলৰ অবসৰপ্ৰাপ্ত প্ৰধান শিক্ষক নাজিমুদ্দিন ,মণিপুৰী এম ভি স্কুলৰ অৱসৰপ্ৰাপ্ত শিক্ষয়িত্ৰী কলাৱতী দেৱী ,যমুনামুখ যামিনী দেৱী স্কুলৰ শিক্ষক অৰুণ বৰা আৰু বৰজান পি স্কুলৰ মণিৰাম ভূমিজক আজি আজমল ফাউণ্ডেচনৰ তৰফৰপৰা সম্বৰ্দ্ধনা আগবঢ়োৱা হয় ৷অনুষ্ঠানত আজমল ফাউণ্ডেচনৰ প্ৰবন্ধক এম আৰ এইছ আজাদ ,মহা প্ৰবন্ধক কৰ্ণেল কেজৰিৱালকে ধৰি অন্যান্য সদস্যসকল আৰু শিক্ষানুষ্ঠানৰ ছাত্ৰ ছাত্ৰছাত্ৰীসকল উপস্থিত থাকে৷
