মহানগৰীত ৰহস্যজনকভাৱে সন্ধানহীন বিহাৰৰ এজন যুৱক (Bihari youth missing)। সন্ধানহীন যুৱকজনৰ নাম ৰাহুল কুমাৰ মাহাতো। বিহাৰৰ পৰা নৱবিবাহিত পত্নীক লগ কৰিবলৈ মহানগৰীৰ গড়চুকলৈ আহিছিল ৰাহুল। কিন্তু গুৱাহাটী আহি পোৱাৰ পাচতে সন্ধানহীন হয় ৰাহুল। গড়চুকৰৰ RD লজত থাকি পত্নীক লগ কৰিবলৈ গৈছিল। ৰাহুল পিতৃৰ ভয়ংকৰ অভিযোগ ৰাহুলৰ সন্ধানহীনৰ আঁৰত পত্নীৰ পৰিয়াল।
কিয়নো আইনগতভাৱে বিবাহ সম্পন্ন হোৱা ৰাহুল নিম্ন বৰ্নৰ হোৱা বাবে পত্নীৰ পৰিয়ালে মানি লোৱা নাছিল। ৮ অক্টোবৰত ৰাহুল বিহাৰৰ পৰা গুৱাহাটীলৈ আহিছিল। তেতিয়াৰে পৰা ঘৰৰ মানুহে যোগাযোগ কৰি পৰা নাছিল ৰাহুলৰ সৈতে। ১১ অক্টোবৰত হোটেলৰ cctvত ধৰা পৰিছিল ৰাহুল হোটেলৰ পৰা ওলাই যোৱা। কিন্তু তেতিয়াৰে পৰা সন্ধান নাই ৰাহুলৰ। ঘটনাক লৈ ৰাহুলৰ পৰিয়ালে এজাহাৰ দাখিল কৰিছে গড়চুক থানাত। পৰিয়ালৰ অভিযোগ ৰাহুলক অপহৰণ কৰি হত্যা কৰিছে পত্নীৰ পৰিয়ালে।
