ASSAM TIMES POST
ডিফু : পাৰ্বত্য জিলা কাৰবি আংলঙত পঞ্চায়তী ৰাজৰ তীব্ৰ বিৰোধিতা কৰিছে জিলা খনৰ ২৪ টাতকৈ অধিক সংগঠনৰ এক সন্মিলিত মঞ্চই ৷ আজি ডিফুস্থিত জিলা প্ৰেছ ক্লাৱত এক সংবাদ মেলৰ আয়োজন কৰি এই কথা সদৰি কৰে সংগঠনটোৰ শীৰ্ষ নেতৃবৰ্গই ৷ সংগঠনটোৰ নেতা ৰতন টেৰণে সাংবাদিকৰ আগত কয়যে, কাৰবি আংলঙ স্বায়ত্ত শাসিত পৰিষদে ষষ্ঠ অনুসূচীৰ সম্পূৰ্ণ অপৰিপন্থী বিষয় গ্ৰাম সভা অৰ্থাৎ পঞ্চায়তীৰাজ জিলাখনত কৰিব বিচাৰিছে ৷
জিলাখনত এই পঞ্চায়তীৰাজ ব্যৱস্থা কোনো পধ্যে মানি লোৱা নহব ৷ ইয়াৰ বিপৰীতে শীঘ্ৰে জিলাখনত ষষ্ঠ অনুসূচীৰ সুবিধা অনুসৰি চৰকাৰে ভিলেজ কাউঞ্চিল স্থাপন কৰক যিটো আজিলৈকে সম্ভব হোৱা উঠা নাই ৷ আনহাতে ৰাজ্য চৰকাৰে ত্ৰয়োদশ বিত্তীয় আয়োগৰ পৰা গ্ৰাম সভাৰ বাবে জিলাখনলৈ বাবে পূঁজী আবণ্টিণ হোৱা বুলি জানিবলৈ দিছে যদিও ইয়াত পঞ্চায়তী ৰাজ হবলৈ দিয়া নহয় বুলি সকিয়াই দিছে নেতা গৰাকীয়ে ৷
