অসমত এতিয়াও ৩ লক্ষাধিক বানৰ কবলত, আশ্ৰয় শিবিৰত ২০ হাজাৰ

ভয়ঙ্কৰ বানত অসমৰ ৩৪ খন জিলাত বহুতো ক্ষতিগ্রস্ত হৈছে। বানৰ প্ৰবলতা ক্রমশ কমিছে। নতুনকৈ কোনো মৃত্যুৰ খবৰ অহা নাই বুলি দূৰ্যোগ ব্যৱস্থাপনা বাহিনীৰ সূত্রে জানিব পৰা গৈছে। ৰাজ্য চৰকাৰ সূত্রৰ খবৰ মতে, অসমৰ সাতখন জিলাৰ ২,৯২,২৬৯ জন মানুহ এতিয়াও বানৰ কবলত আছে। তেওঁলোকৰ ঘৰ-বাৰী, খেতিমাটি সকলো পানীৰ তলত আছে। নতুনকৈ কোনো মৃত্যু নোহোৱাৰ বাবে মৃত্যুৰ সংখ্যা এতিয়াও ১৯২। তাৰ ভিতৰত ১৭৩ জনে বানত প্রাণ হেৰুৱাইছে, ১৯ জনৰ মৃত্যু হৈছে ধলত উটি গৈ।

এই পর্যন্ত বানত সকলোতকৈ বেছি ক্ষতিগ্রস্ত নখন জিলা হৈছে, কাছাৰ, চিৰাং, ডিমা হাচাও, গোলাঘাট, হাইলাকান্দি, মৰিগাঁও, নগাঁও, শিৱসাগৰৰ লগতে তামুলপুৰ। কাছাৰ, চিৰাং, ডিমা হাচাও, মৰিগাঁৱৰ লগতে তামুলপুৰৰ মুঠ ৮৩টা আশ্ৰয় শিবিৰত এতিয়াও থাকিবলৈ বাধ্য হৈ আছে ১৯,২৩৭ জন। তেওঁলোকৰ ভিতৰত ৫ হাজাৰৰো অধিক শিশু।

মঙ্গলবাৰে বানবিধ্বস্ত চিৰাং জিলা পৰিদর্শন কৰে অসমৰ মুখ্যমন্ত্রী হিমন্ত বিশ্ব শর্মাই। কিছুদিন আগতে নিজলা নদী দুকুল উপচি উটুৱাই লৈ যায় বিস্তীর্ণ অঞ্চল। এইবাৰ ক্রমশ পানী নামিছে। তাৰ লগতে আৰম্ভ হৈছে নদীৰ খহনীয়া।