কাইলৈ শান্তি আৰু বিকাশৰ বতৰালৈ পাহাৰীয়া জিলা কাৰবি আংলঙৰ হাওৰাঘাট মহকুমাৰ লৰিনথেপীত বিশাল জনসভাত ভাষণ প্ৰদান কৰিব বিশ্বৰ জনপ্ৰিয় প্ৰধান মন্ত্ৰী নৰেন্দ্ৰ মোদীয়ে ৷ এইলৈ ৰাজ্য চৰকাৰ আৰু কাৰবি আংলং স্বায়ত্তশাসিত পৰিষদৰ যৌথ প্ৰচেষ্ঠীত লৰিনথেপীৰ ৭০০ বিঘাৰ বৃহৎ কৃষি ভূমিত আটক ধুনীয়া আৰু বৃহৎ পেণ্ডেল আৰু মঞ্চৰ লগতে অস্থায়ী হেলিপেড নিৰ্মাণ কৰি উলিয়াইছে কৰ্তৃপক্ষই ৷
প্ৰধান মন্ত্ৰী গৰাকীক আদৰিবলৈ প্ৰধানমন্ত্ৰী গৰাকীৰ অহা বাটত বৃহৎ হৰ্ডিং আঁৰি শোভা বৰ্ধন কৰা হৈছে ৷ কেইবা সহস্ৰাধিক যান বাহনক মানুহ আনিবলা নিয়েজিত কৰা হৈছে ৷ কাৰবি শান্তি চুক্তিৰ জৰিয়তে ছয় বিদ্ৰুোহী সংগঠন মূল সূতিলৈ ঘূৰি অহাৰ পিছতে দেশৰ প্ৰধানমন্ত্ৰী গৰাকীয়ে প্ৰথমবাৰৰ বাবে শান্তিৰ বতৰালৈ কাৰবি আংলঙত অহাৰ বাবে ৰাইজৰ মাজত উৎসুকতীলবৃদ্ধি পাইছে ৷
প্ৰধানমন্ত্ৰী গৰাকীৰ আগমণকলৈ মুখ্যমন্ত্ৰীৰ লগতে ৰাজ্যৰ মন্ত্ৰী সকল সঘনাই সভাস্থলী নিয়মীয়াকৈ পৰ্যৱেক্ষণ কৰি আহিছে ৷
প্ৰধানমন্ত্ৰীৰ ভ্ৰমণকলৈ কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে সঘনাই সমাৰোহস্থলীত উপস্থিত থাকি সমাৰোহৰ তদাৰক কৰি অহা দেখিবলৈ পোৱা গৈছে ৷
ইয়াৰোপৰিও দুই মন্ত্ৰী পিযুষ হাজৰিকা আৰু যোগেন মোহন’ অসম বিধান সভাৰ উপাধ্যক্ষ ডাঃ নোমল মোমিন, বিধায়ক সকল ক্ৰমে, বিদ্যাছিং ইংলেঙ, দৰছিং ৰংহাঙ, ৰূপছিং টেৰণ , কাৰবি আংলং স্বায়ত্তশাসিত পৰিষদৰ কাৰ্যবাহী সদস্য, সদস্য সকল উপস্থিত থাকি প্ৰস্তুতিৰ তদাৰক কৰি আহিছে ৷
ইয়াৰোপৰি বিজেপি দলৰ নেতা-কৰ্মী সকল গাঁৱে-ভূঁঞে গৈ ৰাইজক সমাৱেশৰ বাবে আমন্ত্ৰণ জনোৱা বুলি জানিব পৰা গৈছে ৷ তথ্য অনুসৰি কাইলৈ দিনৰ ১২ বজাত লৰিনথেপিত উপস্থিত হবলগীয়া প্ৰধানমন্ত্ৰী নৰেন্দ্ৰমোদী এঘণ্টা সময় লৰিনথেপিত কটাই ৰাইজক সম্বেধি ভাষণ প্ৰদান কৰাৰ লগতে কেইবাখনো আঁচনিৰ আধাৰশিলা স্থাপন কৰিব বুলি জানিব পৰা গৈছে ৷
লক্ষ্যাধিক ত্ৰিৰংগা পতাকা প্ৰদৰ্শনেৰে প্ৰধানমন্ত্ৰীক আদৰাৰ পৰিকল্পনা দলীয় কৰ্মীৰ:
প্ৰধানমন্ত্ৰী গৰাকীক কাইলৈ সমাৰোহস্থলীত আদৰণি জনাবলৈ বিশেষ পৰিকল্পনা হাতত লোৱা হৈছে বুলি জানিব পৰা গৈছে ৷ প্ৰধানমন্ত্ৰী গৰাকী লৰিনথেপিত উপস্থিত হোৱাৰ লগে লগে লক্ষ্যাধিক ত্ৰিৰংগা পতাকাৰে অভিভাদন জ্ঞাপন কৰাৰ লগতে ইয়াৰ জৰিয়তে এক অভিলেখ ৰচনা কৰাৰ বাবে পৰিকল্পনা কৰা হৈছে ৷
ইয়াৰোপৰি প্ৰধানমন্ত্ৰী গৰাকী উপস্থিত হোৱাৰ লগে লগে পাঁছ মিনিট সময়জুৰি “মোদী”, ‘মোদ’ ধ্বনিৰে প্ৰধানমন্ত্ৰী গৰাকীক স্বাগতম জনোৱাৰ পৰিকল্পনা কৰা হৈছে বুলি জানিব পৰা গৈছে ৷আনহাতে প্ৰধানমন্ত্ৰী গৰাকীক আদৰণি জনাবলৈ এক বৃহৎ জনগোষ্ঠীয় শিল্পীদল সাজু কৰি তোলা হৈছে বুলি জানিব পৰা গৈছে ৷
অসমীয়া, কাৰবি, টাই আহোম, ডিমাচা, বড়ো, ৰেংমা নাগা, আদিবাসীকে ধৰি জিলাখনত বসবাস কৰি থকা সকলো জাতি-জনগোষ্ঠীৰ সাংস্কৃতিক দল সমূহে প্ৰধানমন্ত্ৰী গৰাকীক সভাস্থলীলৈ অহাৰ বাটত নিজ নিজ সংস্কৃতি প্ৰদৰ্শনেৰে আদৰণি জনাব ৷
ইতিমধ্যে সমাৱেশ স্থলীত উপস্থিত হোৱা সাংস্কৃতিক দল সমূহে এক উৎসৱমূখৰ পৰিৱেশৰ সৃষ্টি কৰিছে আনহাতে বিগত কেইবাদিন ধৰি সমগ্ৰ কাৰবি আংলং জিলাৰ লগতেসমাৰোহ থলীৰ চৌদিশে নিশ্ছিদ্ৰ আৰু কটকটীয়া নিৰাপত্তা ব্যৱস্থা গঢ়ি তোলা পৰিলক্ষিত হৈছে ৷
