ASSAM TIMES POST
মামাল্লাপুৰমঃ ভাৰতৰ প্ৰধান মন্ত্ৰী নৰেন্দ্ৰ মোডী আৰু চীনৰ ৰাষ্ট্ৰপতি জি জিনপিঙৰ অ-আনুষ্ঠানিক বৈঠকৰ স্থান তামিলনাডুৰ মামাল্লাপুৰমে ন-কইনাৰ ৰূপ ধাৰণ কৰিছে যোৱা কেইদিনমান ধৰি। শুকুৰবাৰে ৰাষ্ট্ৰপতিজনৰ আগমণৰ বহু সময়ৰ পূৰ্বেই তেওঁক আদৰিবলৈ সম্পূৰ্ণৰূপে সাজু হৈ পৰিছিল তামিলনাডুৰ উদ্যান শস্য বিভাগ।
এই বিভাগটোৰ ওপৰতে ন্যস্ত কৰা হৈছিল বৈঠকস্থলীলৈ যোৱাৰ বাটত প্ৰৱেশদ্বাৰ সজোৱাৰ দায়িত্ব। সেই অনুসৰি বিভাগটোৱে ৰাজ্যখনৰ ভিন্ন প্ৰান্তৰপৰা পোনে-পোনে অনা ১৮ বিধ শাক-পাচলি আৰু ফল-মূলৰে প্ৰৱেশদ্বাৰ সজাই-পৰাই তোলে। মামাল্ললাপুৰমৰ প্ৰখ্যাত ‘পঞ্চ ৰথ’ৰ সমীপতে ২০০ জন কৰ্মচাৰীয়ে এই প্ৰৱেশদ্বাৰ গঢ়ি তোলে।
সমান্তৰালভাৱে চীনৰ ৰাষ্ট্ৰপতিজনৰ দৃষ্টি আকৰ্ষণ কৰিবলৈ চ’ৰ মন্দিৰৰ সমীপত থোকৰ সৈতে কলগছ তথা ৰঙা আৰু বগা গোলাপ ফুলৰ গছ ৰোপন কৰা হয়।
