লকডাউনত চুলি ৰাখি কেন্সাৰ ৰোগীক দান যমজ ভাতৃৰ:

সম্প্রতি ফেচবুকত দুই ভাতৃয়ে হাতত দুডাল বেণী লৈ ছবি পোষ্ট কৰিছে। ঘন চুলিৰে বন্ধা বেণী দুডাল তেওঁলোকৰেই চুলিৰে গঁথা। সোহম আৰু ৰোহনে ফেচবুকতেই জনাইছে, লকডাউনৰ সময়ৰ পৰা বৃদ্ধি হোৱা উক্ত চুলি তেওঁলোকে দান কৰিছে কেন্সাৰ ৰোগীসকলৰ সাহায্যৰ বাবে

লকডাউনৰ সময়ত ছমাহমান বন্ধ আছিল চেলুন। তেতিয়াই চুলি আহি কান্ধত পৰিছিল। সেই সময়তে দুই ভাতৃয়ে ঠিক কৰিলে, তেওঁলোকে আৰু চুলি নাকাটে। বৰং চুলি আৰু বাঢ়িব দিব। পাৰিলে চুলিৰ দৈর্ঘ্য ছোৱালীতকৈও বেছি কৰিব।

পশ্চিমবংগৰ গড়িয়াৰ ৰাণীকুঠিৰ বাসিন্দা যমজ ভাতৃ ৰোহন ৰায় আৰু সোহম ৰায়ক তাৰ পিছত চুলিক লৈ বহু প্রশ্নৰ সন্মুখীন হ’বলগা হৈছিল। কিন্তু কাকো একো প্ৰশ্নৰ উত্তৰ দিয়া নাছিল৷

সম্প্রতি ফেচবুকত দুই ভাতৃয়ে হাতত দুডাল বেণী লৈ ছবি পোষ্ট কৰিছে। ঘন চুলিৰে বন্ধা বেণী দুডাল তেওঁলোকৰেই চুলিৰে গঁথা। সোহম আৰু ৰোহনে ফেচবুকতেই জনাইছে, লকডাউনৰ সময়ৰ পৰা বৃদ্ধি হোৱা উক্ত চুলি তেওঁলোকে দান কৰিছে কেন্সাৰ ৰোগীসকলৰ সাহায্যৰ বাবে। কেন্সাৰৰ চিকিৎসাত চুলি হেৰুৱায় বহু ৰোগীয়ে। তেওঁলোকৰ বাবে নকল চুলি বনোৱা কামত লাগিব তেওঁলোকৰ চুলি।