ডিব্ৰুগড় চহৰৰ মাজমজিয়াত সংঘটিত হৈছে এক চাঞ্চল্যকৰ আত্মহত্যাৰ কাণ্ড। ১৫ বছৰীয়া দশম শ্ৰেণীৰ ছাত্ৰী ছাত্ৰী ঈশানী বেজবৰুৱাই নিজ বাসগৃহত আমোলাপট্টী গাৰ্ডকোৱাটাৰত পিতৃ প্ৰাণজিৎ বেজবৰুৱাৰ অস্ত্ৰ ব্যৱসায়ৰ পিষ্টলেৰে গুলিয়াই আত্মহত্যা কৰে। অৱশ্যে এয়া আত্মহত্যা নে অইন কিবা জানিব পৰা হোৱা নাই।
উল্লেখ্য যে, কিশোৰী ছাত্ৰী গৰাকীৰ পিতৃ প্ৰাণজিৎ বেজবৰুৱাই চহৰখনৰ গাৰ্ডকোৱাটাৰৰ আসাম টাইপৰ বাসগৃহতেই দীৰ্ঘদিনৰ পৰা ‘ডিকেবি গান হাউচ’ৰ জৰিয়তে মৰাণাস্ত্ৰৰ ব্যৱসায় কৰি গৈছিল। খবৰনুসৰি, গুলীচালনাৰ সময়ত কিশোৰী গৰাকীৰ পিতৃ নিজ গৃহত উপস্থিত নাছিল যদিও ভাতৃ আৰু মাতৃ বাসগৃহত আছিল ।তেনে সময়ত কিশোৰী গৰাকীয়ে কেনেদৰে গুলী ভৰ্তি মৰণাস্ত্ৰ পালে সেই লৈ সমগ্ৰ অঞ্চলটোত তীব্ৰ চাঞ্চল্য সৃষ্টি হৈছে।
আনহাতে ডিব্ৰুগড় আৰক্ষীয়ে সমগ্ৰ ঘটনা সন্দৰ্ভত কোনো তদন্ত নকৰাৰ লগতে সাধাৰণ ঘটনা হিচাবে গ্ৰহণ কৰা বিষয়টোৱেও ৰহস্যঘণ কৰি তুলিছে। এই পৰ্যন্ত মৰাণাস্ত্ৰ জব্দ বা বাসগৃহত কোনো তদন্ত নকৰা বুলি জানিব পৰা গৈছে। সংবাদ মাধ্যমৰ আগতো কোনো মন্তব্য প্ৰকাশ কৰা পৰা বিৰত আছে ডিব্ৰুগড়ৰ আৰক্ষী।
অসম মেডিকেল কলেজৰ অধীক্ষক ডাঃ প্ৰশান্ত দিহিঙীয়াই সংবাদ মাধ্যমক অৱগত কৰা অনুসৰি– আজি দিনৰ প্ৰায় ১২:৪৫ বজাত এটা আত্মহত্যাৰ প্ৰচেষ্টাৰে কৰা গুলী বিদ্ধ যুৱতী গৰাকীয়ে পিষ্টলেৰে নিজ থুতুৰিৰ বাঁওহাতে গুলি কৰাত গুলি ভেদী মুখমণ্ডলৰ বাঁওদিশত অতি বেয়াকৈ আঘাটপ্ৰাপ্ত হয়। গুলি শৰীৰতে আছে নে,সেয়া এতিয়াও আমি নিশ্ছিত হব পৰা নাই।ব হু পৰীক্ষা-নিৰক্ষা কৰাৰ অন্ততহে স্পষ্ট হব বুলি অধীক্ষক ডাঃ দিহিঙীয়াই সদৰী কৰে।
বৰ্তমানেও মেডিকেলৰ চাৰ্জিকেল ৱাৰ্ডৰ আইচিইউত ভেন্টিলেচনত ৰখা কিশোৰী গৰাকীৰ ৰক্তচাপ স্বাভাৱিক যদিও অতি সংকটজনক বুলি জানিব পৰা গৈছে। স্থানীয় লোকে জানিবলৈ দিয়া মতে গুলীৰ শব্দ শুনিহে সকলো ওলাই আহিছিল। উক্ত ঘটনা বাসগৃহটোৰ এক নিদিষ্ট কোঠাত সংঘটিত হৈছিল যদিও নিজ পৰিয়ালৰ পৰা স্পষ্টকৈ জানিব পৰা হোৱা নাই।আনহাতেদি ডিব্ৰুগড় আৰক্ষীয়ে ঘটনাৰ সবিশেষ জনোৱাৰ পৰা বিৰত থাকি ঘটনা গাপ দিয়াৰ চেষ্টাই সমগ্ৰ ৰসহ্যঘণ কৰি তুলিছে।
