নিউজ ডেস্কঃ
ইতিমধ্যে পুৰুলিয়াৰ জয়পুৰৰ তৃণমূল প্রার্থী উজ্জ্বল কুমাৰৰ মনোনয়ন বাতিল কৰিছে নিৰ্বাচন আয়োগে। শপতনামাত তাৰিখ বিভ্রাটৰ কাৰণে উজ্জ্বল বিশ্বাসৰ মনোনয়ন বাতিল কৰা হৈছিল। ইয়াৰ পিছত তৃণমূলৰ তৰফৰ পৰা আদালতলৈ গৈও কাম নহয়৷ প্রথমে আদালতে মনোনয়ন বাহাল ৰখাৰ নির্দেশ দিছিল। কিন্তু পিছতে নিৰ্বাচন আয়োগৰ সিদ্ধান্তকে চূড়ান্ত বুলি মানি লয় আদালতে। ফলত পুৰুলিয়াৰ জয়পুৰ আসন এতিয়া শাসক শূন্য।
এইবাৰ তৃণমূল প্ৰধান মমতা বেনাৰ্জীৰ নন্দীগ্রামৰ পৰা মনোনয়নক লৈ সংশয় দেখা দিছে। তথ্য গোপন কৰাৰ অভিযোগ তুলি বিজেপি নেতা শুভেন্দু অধিকাৰীয়ে মমতা বেনাৰ্জীয়ে মনোনয়ন বাতিল কৰাৰ দাবী জনাইছে। শুভেন্দু অধিকাৰীয়ে দাবী কৰিছে, মুখ্যমন্ত্রী মমতা বেনাৰ্জীয়ে মনোনয়ন দাখিল কৰাৰ সময়ত যি শপতনামা দিছে, তাত তেওঁ ৬টা ফৌজদাৰী গোচৰৰ কথা গোপন কৰিছে।শুভেন্দু অধিকাৰীয়ে কয়, মমতা বেনাৰ্জীৰ বিৰুদ্ধে অসমত পাঁচটা ফৌজদাৰী গোচৰ দাখিল কৰা হৈছিল। সেই কথা তেওঁ নিজৰ শপতনামাত উল্লেখ কৰা নাই। ইয়াৰ উপৰি এটি চিবিআইৰ গোচৰৰ কথা উল্লেখ কৰা নাই তেওঁ। শুভেন্দু অধিকাৰীয়ে কয়, শপতনামাত কেতিয়াও ফৌজদাৰী গোচৰৰ কথা গোপন কৰিব পৰা নাযায়। আৰু সেই কাৰণে আমি তেওঁৰ মনোনয়ন বাতিলৰ আবেদন জনাইছো। শুভেন্দু অধিকাৰীয়ে কয়, নির্বাচন আয়োগে দেশৰ আইন মানি সিদ্ধান্ত ল’ব। আয়োগে যি কৰিব, সেয়াই স্বীকাৰ কৰি ল’ম।
উল্লেখ্য, নন্দীগ্রামৰ আসনৰ বাবে ১২ মার্চত মনোনয়ন জমা দিয়াৰ শেষ তাৰিখ আছিল। ১০ মার্চ বুধবাৰে মনোনয়ন জমা দিয়ে মুখ্যমন্ত্রী মমতা বেনাৰ্জীয়ে। সোমবাৰে উক্ত মনোনয়নৰ স্ক্রুটিনি আৰম্ভ হৈছে। অহা বুধবাৰে মনোনয়ন প্রত্যাহাৰৰ শেষ দিন। এতিয়া লক্ষণীয় বিষয় হ’ব নির্বাচন আয়োগে শুভেন্দু অধিকাৰীৰ অভিযোগক গুৰুতত্বপূৰ্ণভাবে লৈ নন্দীগ্রামৰ পৰা তৃণমূল নেত্রী মমতা বেনাৰ্জীৰ মনোনয়ন বাতিল কৰে নে নাই।
