নিউজ ডেক্স:
বৰ্তমান সময়ত যিমানে দোষ নিদিয়ক কিয়, ছচিয়েল মিডিয়াৰ গুৰুত্ব কোনোৱেই অস্বীকাৰ কৰিব নোৱাৰে। হাতৰ মুঠিত কেৱল খবৰে নহয়, এটা পোষ্টৰ সহায়ত জীৱনো সলনি হৈ যাব পাৰে। তাৰেই উদাহৰণ মুম্বাইৰ অটোচালক দেশৰাজ। কেই সপ্তাহমান পূৰ্বে ‘হিউমেনছ অব বম্বে’ অফিচিয়েল পেজত শ্বেয়ার কৰা হয় দেশৰাজৰ কথা।
তেওঁৰ অবৰ্ণনীয় জীৱনৰ কথা শ্বেয়াৰ কৰি নেটিজেনসকলৰ চকুত কেৱল চকুলোৱেই বোওৱা নাছিল, আনকি জীৱন ৰথৰ চকৰিও ঘূৰাই দিলে ছচিয়েল মিডিয়াৰ পোষ্টটোৱে। মাত্র দুসপ্তাহৰ ভিতৰতেই পোষ্টটো শ্বেয়াৰ কৰি এক স্বেচ্ছাসেৱী সংগঠনে যোগাৰ কৰে ২৪ লাখ টকা!
ছবছৰ আগতে নিজৰ দুই সন্তানক হেৰুৱাইছিল দেশৰাজে। তাৰ পিছৰ পৰা নাতিনীহঁতৰ জীৱনৰ সকলো দায়িত্ব নিজে কান্ধ পাতি লয় তেওঁ। পুৱা ছটাৰ পৰা নিশা দহটা পর্যন্ত অটো চলায়। এই বৃদ্ধ বয়সে ইমান পৰিশ্ৰমৰ পিছত দহ হাজাৰ টকা উপার্জন কৰে তেওঁ। ৬ হাজাৰ টকা ব্যয় হয় নাতিনীহঁতৰ পঢ়া-শুনাৰ বাবে। বাকীখিনিৰে কোনোমতে মাহটো চলায় দেশৰাজৰ পত্নীয়ে।
কিন্তু দ্বাদশ শ্ৰেণীত উঠিয়েই এজন নাতিনীয়েকে তেওঁক কয় যে ৮০ শতাংশ নম্বৰ লাভ কৰি তেওঁ পৰীক্ষাত উত্তীৰ্ণ হৈছে। তেওঁ আৰু পঢ়িব বিচাৰে। নাতিনীৰ উচ্চশিক্ষাৰ বাবে ঘৰ বিক্ৰী কৰি দিয়ে দেশৰাজে। মূৰৰ ওপৰত তেওঁৰ কোনো চালি নাই। কিন্তু তেওঁ বিচাৰে, নাতিনী আগবাঢ়ি যাওক। পোষ্টটি ভাইৰেল হয় ছচিয়েল মিডিয়াত। বহুতেই নিজৰ ওচৰত থকাৰ কথা লিখিছিল। পুঁজিৰ ব্যৱস্থা কৰা হ’ল৷ কেইদিনমানৰ ভিতৰতে উপচি পৰে সাহায্য।
