নিউজ ডেস্কঃ
ইন্দোনেচিয়াৰ এগৰাকী মহিলাৰ অদ্ভুত দাবী শুনি অবাক হ’ব আপুনিও। মহিলাগৰাকীৰ দাবী, তেওঁ দৈৱিকভাবে গর্ভৱতী হৈছিল। স্থানীয় এটি নিউজ চেনেলক মহিলাগৰাকীয়ে কৈছে যে তেওঁ কোনো পুৰুষৰ সৈতে শাৰীৰিক সম্পর্ক কৰা নাই, হঠাৎ শুই থাকোতে বতাহতে তেওঁ গর্ভৱতী হৈছিল।
মহিলাগৰাকীৰ বিভ্রান্তিকৰ দাবী অনুসৰি, তেওঁ বিয়লি প্রার্থনাৰ শেষত নিজৰ বহা কোঠাত বিশ্রাম লৈছিল। হঠাৎ তেওঁ অনুভৱ কৰে যে তেওঁৰ শৰীৰত বতাহ প্রবেশ কৰিছে। এই ঘটনাৰ ১৫ মিনিট পিছত তেওঁৰ পেটৰ বিষ হ’বলৈ আৰম্ভ কৰে আৰু তেওঁৰ পেট ক্ৰমাৎ ডাঙৰ হ’বলৈ আৰম্ভ কৰে। মহিলাগৰাকীক তেতিয়াই ওচৰৰ হস্পিটেললৈ লৈ যোৱা হয় আৰু তাতে তেওঁ এটি স্বাস্থ্যকৰ কন্যা শিশু জন্ম দিয়ে।
মহিলাগৰাকীৰ এই উদ্ভট কাহিনীটো কিছু সময়ৰ ভিতৰতে ভাইৰেল হৈ যায়। ইয়াৰ পিছত স্থানীয় কমিউনিটি ক্লিনিকৰ প্রধান মহিলাগৰাকীৰ খবৰ ল’বলৈ আৰু বিষয়টো সম্পৰ্কে জানিবলৈ তাত গৈ উপস্থিত হয়। তেওঁ তাত গৈ জানিব পাৰে যে মহিলাগৰাকীৰ বিয়া হৈছে আৰু তেওঁ স্বামীৰ পৰা পৃথকে থাকে।
ইতিমধ্যে তেওঁৰ এটি কন্যা সন্তান আছে। কমিউনিটি ক্লিনিকৰ প্রধান ইমান ছুলেমানে কয়, ‘তদন্তৰ সময়ত দেখা গৈছে মাতৃ আৰু শিশু সুস্থ আছে। স্বাভাৱিক ডেলিভাৰি হৈছে। শিশুটিৰ ওজন ২.৯ কেজি। ছুলেমানে লগতে কয় যে এইটো ‘গোপন গর্ভাৱস্থাৰ’ এটি ঘটনা বুলি অনুমান হৈছে, য’ত মহিলাগৰাকীৰ প্রসৱৰ আগতে গর্ভাৱস্থা অনুভৱ হোৱা নাই। স্থানীয় আৰক্ষীয়েও এই বিষয়ত তদন্ত আৰম্ভ কৰিছে। মহিলাগৰাকীৰ পূৰ্বৰ বিবাহসহ সকলো দিশ তদন্ত কৰা হৈছে।
