নিউজ ডেস্কঃ
সাত মাহৰ অন্তঃসত্ত্বা পত্নীক ১০০০ ফুট উচ্চতাৰ পৰা গঁতিয়াই খাদত পেলাই দিলে পাষাণ স্বামীয়ে ! বীমাৰ টকা হস্তগত কৰাৰ বাবে পত্নীক হত্যাৰ ঘটনা প্রকাশ্যে অহাৰ লগে লগেই তীব্ৰ প্ৰতিক্ৰিয়াৰ সৃষ্টি হৈছে।
ঘটনাটো আচলতে ২০১৮ চনৰ। দক্ষিণ–পূব তুৰস্কৰ মুগলা চহৰৰ বাসিন্দা ৪০ বছৰীয়া হাকান আয়ছালে পত্নী ছামৰক লৈ তুৰস্কৰ বাটাৰফ্লাই ভেলীত ছুটি কটাবলৈ গৈছিল। তাত ১০০০ ফুট উচ্চতাত স্বামী–স্ত্রীয়ে একেলগে ছেলফি তোলে। ঘণ্টাৰ পিছত ঘণ্টা সময় কটায়। ইয়াৰ পিছতেই ঘটে মর্মান্তিক কাণ্ড। পত্নীক গঁতামাৰি পেলাই দিয়ে নিৰ্দয় স্বামীয়ে। মৃত্যু হয় ছামৰা। ইয়াৰ পিছতেই গ্রেপ্তাৰ কৰা হয় হাকানক।
গোচৰ চলি থকা সময়ত ওলাই পৰে ঘটনাৰ নেপথ্যৰ আঁৰৰ কাহিনী।
ঘটনাটোৰ কিছুদিন পূৰ্বে পত্নীৰ নামত ভাৰতীয় মুদ্রাত প্রায় ৪২ লাখ টকাৰ বীমা কৰাইছিল হাকানে। একমাত্র উত্তৰাধিকাৰী আছিল তেওঁ। বীমাৰ চর্ত অনুযায়ী পত্নীৰ দুর্ঘটনাত মৃত্যু হ’লে সম্পূৰ্ণ টকাখিনিয়েই আহিব হাকানৰ হাতলৈ। সেই টকা আত্মসাৎ কৰিবলৈয়েই পত্নীক হত্যাৰ পিছত দুর্ঘটনা হিচাবে প্ৰতিষ্ঠা কৰিবলৈ চেষ্টা কৰিছিল হাকানে। অধিবক্তাৰ মতে, ঘটনাৰ দিনা তিনি ঘণ্টা তাত আছিল হাকান। সমগ্ৰ এলেকা জনশূন্য হওঁতেই পত্নীক গঁতিয়াই দিয়ে তেওঁ। ইয়াৰ পিছতে বীমাৰ টকাৰ বাবে আবেদন কৰিছিল হাকানে। কিন্তু সেয়া খাৰিজ হয়।
সম্প্ৰতি তুৰস্কৰ স্থানীয় আদালতে হাকানক কাৰাদণ্ড বিহিছে। ছামৰাৰ পৰিয়ালে দাবী কৰিছিল, তেওঁলোকৰ জীয়ৰীৰ নামত একাধিক ঋণো লৈছিল হাকানে।
