স্বাস্থ্য প্ৰতিবেদন:
আমাৰ সমাজত পূৰ্বতে কলপাতত ভোজ-ভাত খোৱাৰ পৰম্পৰা আছিল যদিও আধুনিকতাৰ ধামখুমীয়াত আমি সেই পৰম্পৰা বিসৰ্জন দিছো৷ চহৰতো বাদেই, গ্ৰামাঞ্চলতো আজিকালি কলপাতত খোৱাটো প্ৰায় নোহোৱা হোৱাৰ দৰেই হৈছে৷
কিন্তু কলপাতত খোৱাৰ এই পৰম্পৰাৰ কিবা বৈজ্ঞানিক যুক্তি আছে নেকি? এই সম্পৰ্কত বিজ্ঞানে কি কয়?
বিজ্ঞানীসকলৰ মতে কলপাতত আছে পলিফেলন জাতীয় উপাদান। যি আমাৰ খাদ্যৰ সৈতে শৰীৰৰ ভিতৰত প্ৰৱেশ কৰে আৰু ইয়েই এন্টি অক্সিডেন্ট হিচাবে কাম কৰে। কেৱল ইমানেই নহয়৷ কলপাতত আছে অন্য কিছু বিশেষ বিশেষ গুণ। যিবোৰ আমাৰ শৰীৰৰ বাবে খুবেই উপকাৰী। কলপাতত দৈনিক খাদ্য খালে আমাৰ ছালক ভিতৰৰ পৰা সুস্থ কৰি ৰাখে।
কলপাতৰ এই এন্টি অক্সিডেণ্টে শৰীৰৰ ভিতৰৰ পৰা টক্সিক পদার্থ বাহিৰ উলিয়াই দিয়াত সহায় কৰে। যাৰ ফলত ছাল হৈ উঠে অধিক উজ্জ্বল আৰু সতেজ। দক্ষিণ ভাৰতৰ বিশেষকৈ কেৰালাৰ লোকসকলে ছালৰ পৰিচর্যাৰ ক্ষেত্রত কলপাত ব্যৱহাৰ কৰি আহিছে। ইয়াত থকা পলিফেনল আৰু এলোএন্টাইনে পেটৰ ৰোগ উপশমত সহায় কৰে।
কলপাতৰ আৰু বিশেষ গুণ আছে৷ ইয়াৰ ভিতৰত ইন্টাৰ ষ্টেইন পেইনে খাদ্য হজম আনকি পেটৰ বিষ আৰু জ্বৰ কমোৱাতো সহায় কৰে। কলপাতে মানুহৰ ইমিউন শক্তি বৃদ্ধি কৰে আৰু ভাইৰাছজনিত ৰোগৰ পৰা মুক্তি দিয়ে। সেয়ে কলপাতত খোৱাৰ অভ্যাস আৰম্ভ কৰক আৰু সুস্থ থাকক৷
