নিউজ ডেস্কঃ
প্ৰধানমন্ত্ৰী নৰেন্দ্ৰ মোডী কোটি টকাৰ গৰাকী৷ প্ৰধানমন্ত্ৰীৰ মন্ত্ৰালয়ৰ পৰা কোৱা হৈছে, এই মুহূৰ্তত মোডীৰ মুঠ সম্পত্তিৰ পৰিমাণ ২ কোটি ৮৫ লাখ টকা৷ যোৱা বছৰতকৈ এই বছৰ মোডীৰ সম্পত্তিৰ পৰিমাণ ৩৬ লাখ টকা বাঢ়িছে৷ অভাবী ঘৰৰ সন্তান বুলি পৰিচিত নৰেন্দ্ৰ মোডীৰ আন এক পৰিচয় হ’ল চাহৱালা৷ এই পৰিচয়ৰে তেওঁ ৰাজনীতিত প্ৰতিষ্ঠা কৰিছে৷ দীর্ঘদিন গুজৰাটৰ মুখ্যমন্ত্রী আছিল তেওঁ৷ দেশৰ প্ৰধানমন্ত্ৰী হিচাপে ৬ বছৰ পাৰ কৰিছে৷
এই মুহূর্তত কোটিপতি হৈ পৰিছে দেশৰ প্ৰধানমন্ত্ৰী নৰেন্দ্ৰ মোডী৷ তেওঁৰ মুঠ সম্পত্তিৰ পৰিমাণ ২ কোটি ৮৫ লাখ টকা৷ ইয়াৰ আগৰ বছৰত আছিল ২ কোটি ৪৯ লাখ টকা৷ অৰ্থাৎ যোৱা এবছৰত মোডীৰ সম্পত্তিৰ পৰিমাণ বাঢ়িল ৩৬ লাখ টকা৷ এই বছৰ মোডীৰ বেংক বেলেন্স বাঢ়িছে ৩ লাখ টকা৷ আনহাতে ৩৩ লাখ টকা তেওঁ স্থায়ী বিনিয়োগৰ পৰা পাইছে৷ উল্লেখ্য, ইয়াৰ আগেয়ে ২০১৪ আৰু ২০১৯ চনৰ লোকসভা নির্বাচনৰ সময়ত নিজৰ সম্পত্তিৰ হিচাপ দিছিল মোডীয়ে৷ য’ত দেখা গৈছিল মাত্ৰ ৫ বছৰত তেওঁৰ সম্পত্তি ৫২ শতাংশ বাঢ়িছে৷ আনহাতে সম্পত্তি কমিছে গৃহমন্ত্ৰী অমিত শ্বাহৰ৷ ২০১৯ চনত কেন্দ্ৰীয় গৃহমন্ত্ৰীৰ সম্পত্তি আছিল ৩২.৩ কোটি টকা৷
২০২০ চনৰ জুন মাহত অমিত শ্বাহৰ সম্পত্তি ২৮.৬৩ কোটি টকা কমিছে৷ অমিত শ্বাহৰ পতৎ সোণালী শ্বাহৰ সম্পত্তিৰ পৰিমাণ যোৱা বছৰতকৈ সামান্য কমিছে৷ সোণালী শ্বাহৰ সম্পত্তিৰ পৰিমাণ যোৱা বছৰ ৯ কোটি আছিল৷ এইবাৰ কমি ৮ কোটি ৫৩ লাখ টকা হয়৷
