নিউজ ডেক্স:
ৰাজ্যত পুনৰ ক’ৰোনামুক্ত হৈছে ১৮১৭ গৰাকী ব্যক্তি। বিগত ২৪ ঘন্টাত ১৮১৭ গৰাকী কোভিড-১৯ ৰোগীয়ে সুস্থ হৈ চিকিৎসালয়ৰ পৰা যাবলৈ অনুমতি লাভ কৰিছে ৷ টুইট যোগে এই কথা সদৰী কৰে ড° হিমন্ত বিশ্ব শৰ্মাই।
আনহাতে যোৱা ২৪ ঘন্টাত ৰাজ্যত ২৯হাজাৰ ৬৪৭টা পৰীক্ষা সম্পাদন কৰাৰ পিছত নতুনকৈ ২০৭৩ গৰাকী লোক কোভিড-১৯ত আক্ৰান্ত হোৱা বুলি পৰীক্ষাত ধৰা পৰিছে ৷ চিনাক্তসকলৰ ভিতৰৰ ৩৪৪ গৰাকী ৰোগী কামৰূপ(ম)ৰ, ১৬৬ গৰাকী যোৰহাটৰ, ১৬৮গৰাকী ডিব্ৰুগড়ৰ, ১২৫গৰাকী গোলাঘাটৰ ৷ আক্ৰান্তৰ হাৰ ৬.৯৯ শতাংশ ৷
বৰ্তমানলৈ অসমত এই ভাইৰাছত আক্ৰান্ত লোকৰ সংখ্যা ১,৬১৩৯৩ জনলৈ বৃদ্ধি পাইছে । ৰাজ্যত সম্প্ৰতি ২৯৮৫৭ গৰাকী চিকিত্সাধীন হৈ থকাৰ বিপৰীতে আৰোগ্য হৈ উঠিছে ১,৩০৯৪৭ গৰাকী ব্যক্তি।উল্লেখ্য যে ৰাজ্যত বিয়োগ হোৱা লোকৰ সংখ্যাও ৫৮৬ গৰাকীলৈ বৃদ্ধি পালে।
