নিউজ ডেক্স:
ৰাজ্যত পুনৰ ক’ৰোনামুক্ত হৈছে ২২৫১ গৰাকী ব্যক্তি। বিগত ২৪ ঘন্টাত ২২৫১ গৰাকী কোভিড-১৯ ৰোগীয়ে সুস্থ হৈ চিকিৎসালয়ৰ পৰা যাবলৈ অনুমতি লাভ কৰিছে ৷ টুইট যোগে এই কথা সদৰী কৰে ড° হিমন্ত বিশ্ব শৰ্মাই।
আনহাতে যোৱা ২৪ ঘন্টাত ৰাজ্যত ১৫৫১৫ টা পৰীক্ষা সম্পাদন কৰাৰ পিছত নতুনকৈ ১২৯২ গৰাকী লোক কোভিড-১৯ত আক্ৰান্ত হোৱা বুলি পৰীক্ষাত ধৰা পৰিছে ৷ চিনাক্তসকলৰ ভিতৰৰ ৪২২ গৰাকী ৰোগী কামৰূপ(ম)ৰ, ১৩৪ গৰাকী যোৰহাটৰ আৰু ১০৭ গৰাকী লখিমপুৰৰ ৷ আক্ৰান্তৰ হাৰ ৮.৩৩ শতাংশ ৷
বৰ্তমানলৈ অসমত এই ভাইৰাছত আক্ৰান্ত লোকৰ সংখ্যা ১৪১৭৬৩জনলৈ বৃদ্ধি পাইছে । ৰাজ্যত সম্প্ৰতি ২৮১৫৮ গৰাকী চিকিত্সাধীন হৈ থকাৰ বিপৰীতে আৰোগ্য হৈ উঠিছে ১,১৩১৩৩ গৰাকী ব্যক্তি।উল্লেখ্য যে ৰাজ্যত বিয়োগ হোৱা লোকৰ সংখ্যাও ৪৬৯ গৰাকীলৈ বৃদ্ধি পালে।
