নিউজ ডেক্স:
ৰাজ্য চৰকাৰে প্ৰত্যাহাৰ কৰিছে চলি অহা সাপ্তাহিক ল’ক ডাউন আৰু সান্ধ্য আইন। এই কথা টুইটাৰযোগে জনাইছে ৰাজ্যৰ মুখ্য সচিব কুমাৰ সঞ্জয় কৃষ্ণই।
যদিও সাপ্তাহিক ল’ক ডাউন আৰু সান্ধ্য আইন প্ৰত্যাহাৰ কৰা হৈছে, তথাপিও সকলোকে কোভিড প্ৰট’কল মানি চলাৰ লগতে মাস্ক পৰিধান কৰি সামাজিক দূৰত্ব বজাই ৰাখিবলৈ আহ্বান জনোৱা হৈছে। কিয়নো ৰাজ্যত দ্ৰুতগতিত বাঢ়িছে ক’ৰোণাত আক্ৰান্ত লোকৰ সংখ্যা।
শনিবাৰৰ পৰা ৰাজ্যত কাৰ্যকৰি হ’ব আনলক-৪।ৰাজ্য মুখ্য সচিব কুমাৰ সঞ্জয় কৃষ্ণই এই সন্দৰ্ভত জাৰি কৰিলে নিৰ্দেশনা।অহা ৩০ ছেপ্টেম্বৰলৈকে আনলক-৪ নীতি নিয়ম কাৰ্যকৰী হৈ থাকিব ৰাজ্যত।
ৰাজ্য প্ৰশাসনে জাৰি কৰা নিৰ্দেশনাত কোৱা হৈছে ২৯ আগষ্টত কেন্দ্ৰৰ পৰা যি নিৰ্দেশনা জাৰি কৰিছে সেই নিয়ম সমূহ অসমত এতিয়া প্ৰযোজ্য হ’ব।নিয়ম সমূহ হৈছে-
অসমত সাপ্তাহিক লকডাউন আৰু সান্ধ্য আইন প্ৰত্যাহাৰ কৰা হৈছে।
বিদ্যালয়, মহাবিদ্যালয়, কোচিং ইনষ্টিটিউট সমূহত ৰেগুলাৰ ক্লাছ ৩০ ছেপ্টেম্বৰলৈকে বন্ধ থাকিব।
অনলাইন ক্লাছ আৰু দূৰ শিক্ষা চলি থাকিব।
কণ্ট্ৰেমেণ্ট জনৰ বাহিৰত শিক্ষানুষ্ঠানত ৫০ শতাংশ শিক্ষক-কৰ্মচাৰী উপস্থিত থাকি অনলাইন শিক্ষা আৰু অন্যান্য যাবতীয় কাম কাজ সমূহ কৰিব পাৰিব।
নৱম শ্রেণী পৰা দ্বাদশ শ্রেণীলৈ ছাত্ৰ-ছাত্ৰী সকলে কোনো কথা আলোচনা কৰা বাবে বিদ্যালয়লৈ আহে তেন্তে আহিব পাৰিব।তাৰ বাবে লিখিত অনুমতি লাগিব অভিভাৱক তথা বিদ্যালয়ৰ ফালৰ পৰা।
উচ্চশিক্ষা প্ৰতিষ্ঠা সমূহত গৱেষণক কাম-কাজ সমূহত অনুমতি প্ৰদান কৰা হৈছে।তাৰ বাবে অনুমতি লব লাগিব আৰু কভিড নীতি-নিয়ম মানি চলিব লাগিব
ৰাজহুৱা খণ্ডৰ সকলো পৰিবহন সেৱা ৭ ছেপ্টেম্বৰ পৰা চলাচল কৰিব পাৰিব।সামাজিক দূৰত্ব মানি চলি।
সামাজিক, সাংস্কৃতিক, শৈক্ষিক, খেলৰ লগত জড়িত, বিনোদন, ধৰ্মীয় অনুষ্ঠান, ৰাজনৈতিক কাৰ্যসূচী সৰ্বোচ্চ ১০০ গৰাকীৰ ব্যক্তি লৈ ২১ ছেপ্টেম্বৰ পৰা অনুষ্ঠিত কৰিব পাৰিব।বিবাহ অনুষ্ঠানত ২০ ছেপ্টেম্বৰলৈ ৫০ জনে আৰু মৃতকৰ হতকাৰ অনুষ্ঠান ২০ জন মানুহ সমবেত হ’ব পাৰিব।
চিনেমা হল, চুইমিং পুল, মনোৰঞ্জন, পার্ক, থিয়েটাৰ আদি বন্ধ থাকিব।
কন্ত্ৰেমেণ্ট জন সমূহত ৩০ ছেপ্টেম্বৰলৈ কঠোৰ ভাৱে লকডাউন কাৰ্যকৰী হৈ থাকিব।
ৰাজ্যত ঘূৰা-ফুৰা কৰা বাবে কোনো ধৰণৰ বাধা নাথাকিব এতিয়া পৰা।
৬৫ বছৰৰ ওপৰৰ ব্যক্তি, ১০ বছৰৰ তলৰ শিশু আৰু গৰ্ভৱতী মহিলা চিকিৎসাজনীত কাৰণৰ বাহিৰে অন্য কাৰণত ঘৰৰ পৰা নোলাব।
মাক্স পৰিধান নকৰিলে ভৰিব লাগিব ১০০০ টকা জৰিমনা।
উল্লেখ আনলক-৪ কাৰ্যকৰী হ’ব ৫ ছেপ্টেম্বৰৰ পৰা।
