ষ্টাফ ৰিপ’ৰ্টাৰ:
ডিফু : অলপতে গঠন হোৱা খিলঞ্জীয়া যুৱ ইউনিয়ন কাৰবি আংলঙে আজি ডিফুৰ মাটিপুঙত এক সংবাদমেলৰ আয়োজন কৰি চৰকাৰৰ ওচৰত কেতবোৰ দাবী উত্থাপন কৰে ৷
সংগঠনৰ উপদেষ্টা প্ৰদীপ ইংলেঙে জিলাখনত চলি থকা অনলাইন শিক্ষা ব্যৱস্থা সূচাৰু ৰূপে চলোৱাৰ কৰাৰ লগতে বিভিন্ন ৰাজনৈতিক, অৰাজনৈতিক দল- সংগঠনে জিলাখনত দাবী কৰি অহা অনুশ্চেদ ২৪৪(ক) প্ৰতি পূৰ্ণ সমৰ্থন জনায় আৰু জিলাখনৰ চৰকাৰী- বেচৰকাৰী খণ্ডত নিবণুৱা শিক্ষিত- অশিক্ষিত যুৱক- যুৱতীক ১০০ শতাংশ চাকৰিৰ ব্যৱস্থা কৰাৰ দাবী জনায় ৷
জিলাখনৰ খিলঞ্জীয়া যুৱক- যুৱতীৰ স্বাৰ্থ সুৰক্ষাৰ বাবে খিলঞ্জীয়া যুৱ ইউনিয়ন কাৰবি আংলঙঙে নিৰৱাচ্ছিন্ন কাম কৰাৰ বাবে সংকল্পবদ্ধ বুলি সংগঠনটোৰ উপদেষ্টা প্ৰদীপ ইংলেঙে জানিবলৈ দিছে ৷ আজিৰ সংবাদমেলত সংগঠনটোৰ উপদেষ্টা প্ৰদীপ ইংলেঙ, সাধাৰণ সম্পাদক ৰাজেশ নাথ, বিত্ত সম্পাদক গোলাৱ খান, ক্ৰীড়া সম্পাদক দিপাঙ্কৰ বৰা, আৰু সাংস্কৃতিক সম্পাদক হেমন্ত সিঙ আৰু সদস্য সকল উপস্থিত থাকে৷
