স্বাস্থ্য প্ৰতিবেদনঃ
থাইৰয়ডৰ সমস্যাত বহুতেই ভোগে। থাইৰয়ড মানৱ দেহৰ ডিঙিত অৱস্থান কৰে। যাৰ ভিতৰত বহু কেইটা হৰমোন সৃষ্টি হয়। আৰু যেতিয়া থাইৰয়ডত হৰমোনবোৰৰ অস্বাভাৱিক উৎপাদন হয়, তেতিয়াই সমস্যাৰ সৃষ্টি হয়।
থাইৰয়ডত সাধাৰণতে দুই ধৰণৰ সমস্যা দেখা দিয়ে। এটি হ’ল– হাইপাৰথাইৰয়ডিজিম। থাইৰয়ড গ্রন্থিত অতিৰিক্ত হৰমোন সৃষ্টি হ’লে তাক হাইপাৰথাইৰয়ডিজিম বোলে।
আৰু পর্যাপ্ত হৰমোন সৃষ্টি নহ’লে তাক হাইপোথাইৰয়ডিজিম বোলে। থাইৰয়ডৰ সমস্যাত প্রধানত দেখা যায় ষ্ট্ৰেছ, ডায়েটৰ সমস্যা।কিন্তু আপুনি বিচাৰিলে ঘৰুৱা উপায়ত এই সমস্যাৰ পৰা মুক্তি পাব পাৰে। আহক জানি লওঁ থাইৰয়ড সমস্যাৰ পৰা বচাৰ ঘৰুৱা উপায়-
১. এণ্টি অক্সিডেন্টযুক্ত ফল আৰু শাক-পাচলি খাব পাৰে। এইবোৰ ফল আৰু পাচলিয়ে থাইৰয়ডৰ সমস্যা প্রতিৰোধ কৰে। ইয়াৰ উপৰি ভিটামিন-বি ১২যুক্ত খাদ্যই থাইৰয়ড গ্রন্থিক সঠিকভাবে কাম কৰাত সহায় কৰে।
২. থাইৰয়ডৰ সমস্যা থাকিলে চেনি নাখাব। অতিৰিক্ত চেনি খোৱাৰ পৰা বিৰত থাকক।
৩. শৰীৰত পর্যাপ্ত পৰিমাণে আয়ডিন যেতিয়া নাথাকে, তেতিয়া থাইৰয়ডে হৰমোন সৃষ্টি কৰিব নোৱাৰে, যিটো হাইপোথাইৰয়ডিজিমৰ দিশে পৰিচালিত হয়। সেয়ে আয়ডিনযুক্ত খাদ্য খাব লাগে।
৪. মানসিক চাপ থাকিলে শৰীৰচর্চা কৰক। শৰীৰচর্চা কৰিলে থাইৰয়ডৰ সমস্যা কমি থাকে।
৫. খাদ্যত আয়ৰন কম পৰিমাণে থাকিলেও থাইৰয়ডৰ সমস্যাই দেখা দিব পাৰে। সেয়ে আয়ৰনসমৃদ্ধ খাদ্য খাব লাগে।
৬. যোগ-ব্যায়াম আৰু ধ্যানে থাইৰয়ড গ্রন্থিত ৰক্ত প্রবাহক সঠিক ৰাখে।
