স্বাস্থ্য প্ৰতিবেদনঃ
ভতুৱা অসমীয়াই ভাতৰ বাহিৰে একো চিনি নাপায়৷ ৰণ-বন-জংঘল য’তেই নাথাকক কিয়, ভাত অবিহনে অসমীয়াৰ নচলে। চাউলৰ হয়তো বহুতো আখ্যান শুনিছে। কিন্তু চাউল ধোৱা পানী বা ভাতৰ মাৰৰ উপকাৰিতা ক’জন জানেনে? যদি জানে ভাল কথা।
কিন্তু যদি নাজানে এবাৰ জানি লওক :
হজম শক্তি বঢ়ায় :
চাউলৰ পানীয়ে (ৰাইচ ৱাটাৰ) যে কেৱল হজম শক্তি বঢ়ায় সেয়া নহয়, ডায়েৰিয়াসহ পেটৰ অন্যান্য সমস্যাৰ ক্ষেত্রতো উপকাৰী। শিশুৰ ডায়েৰিয়া হ’লেই সেয়া খুওৱাৰ পৰামর্শ দিয়া হয়। ইয়াত যথেষ্ট ভিটামিন আৰু খনিজ উপাদানো থাকে।
মন ভাল কৰে :
চাউলত আছে প্রচুৰ পৰিমাণে কার্বোহাইড্রেট। যি পানীত ডুবাই ৰাখিলে বা সিদ্ধ কৰিলে আৰু প্রসাৰিত হয়। সেয়াই শৰীৰকেতো শক্তি যোগায়েই তাৰ উপৰি মন ভালে ৰাখে। এটা দিন আৰম্ভ কৰা পূৰ্বে সেয়ে চাউলৰ পানী খোৱাটো এটা আদর্শ।
শৰীৰত আর্দ্রতা বজায় ৰাখে : দুৰ্বিষহ গৰমত যেতিয়া প্রাণ যোৱাৰ দৰে অৱস্থা হয় তেতিয়া চাউল ধোৱা বা সিদ্ধ কৰা পানী খালে শৰীৰৰ আর্দ্রতা ঠিকে থাকে। বমি বা জ্বৰৰ ক্ষেত্রতো এই পানী খালে উপকাৰ লাভ কৰা যায়।
চুলিৰ ক্ষেত্রত উপকাৰী :
দক্ষিণ-পূব এছিয়াৰ একাধিক স্থানত চাউলৰ পানীৰে চুলিৰ পৰিচর্যা কৰা হয়। ইয়াৰ বাবে বিশেষ ধৰণে চাউলৰ পানীক মজোৱা হয়। তাৰ পিছত তাক ব্যৱহাৰ কৰা হয়। তাৰ ফলত চুলিৰ গুৰিতো শক্তিশালী হয়েই লগতে চুলিক মসৃণ কৰে।
ছালৰ পৰিচর্যা :
বিশেষজ্ঞসকলৰ দাবী, শুষ্ক ছাল বা ব্রনৰ ক্ষেত্রত চাউলৰ পানী উপকাৰী। ইয়াৰ বাবে চাউল ভিজোৱা পানী আইচ ট্রেত ৰাখিব লাগিব। পাৰিলে তাতে তিয়ঁহ পেষ্ট কৰিও দিব পাৰে। ফ্রিজত কিছু সময় ৰখাৰ পিছত আইচ কিউব তৈয়াৰ হ’লে সি টোনাৰ হিচাবে কামত দিব। ইয়াৰ ফলত ছালে ভিটামিন আৰু খনিজ উপাদান যেনেদৰে পাব তেনেদৰেই ৰক্ত সঞ্চালন ভাল হ’ব।
